Kgonthišetšo e šegofaditšwego – Letšatši la 17

Morena ke modiši wa ka; ga ke hloke selo. O nkhutšiša mafulong a matala; o nkiša meetseng a makhutšo. O a ntapološa, o ntshepediša ka tsela tše di lokilego ka lebaka la leina la gagwe. Pesalome 23:1-3

“Morena ke Modiši wa ka” ke ye nngwe ya difela tše di ratwago kudu ye e theilwego go ye tee ya Dipesalome. Batho ba e rata ka lebaka. E bolela ka mafulo a matala, meetseng a makhutšo le go lapološa moya wa ka. Eupša go feta moo, e bolela ka modiši yo a tsebago tšohle, yo maatla ohle yo a re hlokomelago ka mo go feletšego.

Sefela sa “Morena ke Modiši wa ka” ke se sengwe sa kgale seo medu ya sona e lego go Reformation, ge Luther le Calvin ba gatelela go opelwa ga Dipesalome. Ke boletše ka mathopša nakong e fetilego, palo e kgolo ya Maprotestante bao ba tšhabetšego Yuropa go efoga tlhomaro ya nakong ya pušo ya Kgošigadi Mary wa I (1553–1558). Fao, ka tlase ga khuetšo ya Luther le Calvin, ba thomile go opela Dipesalome. Ge Mary a hlokafala gomme Elizabeth e ba kgošigadi, ba boetše Engelane, le melodi ya bona ya Dipesalome.

Ka morago ga bo-1940, sehlopha sa baithuti se kgobokane ka morero wa go hlabolla phetolelo ye e botegago, ya sereto ya Dipesalome. Ge The Scottish Psalter of 1650 e gatišwa, e bile tekanyetšo ye botse ya phetolelo ya sereto ya Dipesalome. Temana ye e tšwago go The Scottish Psalter ke ye nngwe ye e šomišwago gantši lehono go “Morena ke Modiši wa ka”.

Phetolelo ya sefela sa Pesalome 23 e a botega go Pesalome ya Dafida. Se re nea seswantšho sa kgonthišetšo se se hlohlago sa Modimo. Ke modiši wa rena, yena yo a re abelago tšohle. Eupša seswantšho sa Modimo bjalo ka modiši gape se re botšiša potšišo ye: Ge Modimo e le modiši, re dinku tše di latelago le go tshepha? Goba re phapharega tseleng ya rena?

Modiši o holofetša go re direla ka moka tše re di hlokago. Le ge go le bjalo, ke ga kae moo re lebeletšego go gongwe go se re se hlokago? Re tlogela modiši ka gobane ga re tshephe Modimo. Re thoma go belaela ka gosasa le go loga maono a rena go hwetša dinyakwa tša rena.

Ge re tshwenyega ka dipelaelo tše bjalo, opela mantšu a Pesalome ye e tsebjago kudu le sefela. Ga o hloke go belaela ka dinyakwa tša gosasa. Modiši wa gago o go file tše di lekanego lehono. Gomme o tla dira ka mo go swanago gosasa le letšatši le letšatši.