Kgonthišetšo e šegofaditšwego – Letšatši la 15
Batho ka moka bao ba dulago lefaseng
(Di)temana ya Bibele
Pesalome 100
Kopelo ya go tumiša Modimo
Hlabelang Morena mekgolokwane, lena bohle ba lefase! Direlang Morena ka lethabo; tlaang pele ga gagwe le duduetša! Tsebang gore Morena ke yena Modimo. Pesalome 100:1-3a
“Batho ka moka bao ba dulago lefaseng” ke sefela sa kgalekgale se se sa opelwago lehono. Mantšu a ngwetšwe ke William Kethe ka bo-1562. Leina la gagwe le tšwelela go maneneo a Mathopša a Marian, Maprotestante go tšwa Engelane bao ba tšhabetšego Yuropa nakong ya pušo ya Mokatholika wa Roma Kgošigadi Mary. Bothopša bja gagwe bo mo išitše pele kua Frankfurt, Germany gomme a ya Geneva moo a thušitšego ka phetolelo ya Bibele ya Geneva ka 1560.
Molodi gape o na le mengwaga ye makgolokgolo. O bitšwa “100 la kgalekgale” goba “Lekgolo la kgalekale” gomme ke ye mengwe ya melodi ye e tsebjago kudu go ditšo ka moka tša mmino wa Bakriste. Molodi gantši o tswalanywa le mohlami wa Mofora Loys Bourgeois (ka bo-1510 – bo-1560).
Mantšu a Kethe ke mantšu a theilwego go Pesalome ya 100. O ka bona gore temana ya pele e latela methaladi ya mathomo kgauswi kudu:
Batho ka moka bao ba dulago lefaseng,
Opelelang Morena ka lentšu le le thabilego.
Yena mo hlankeleng ka poifo, tumišang Yena;
Etlang pele ga gagwe le thabe.
Dipesalome tše ntši di tletše ka ditumišo le ditebogo, eupša ke fela Pesalome ya 100 ye e nago le mongwalo wa maleba “Kopelo ya go tumiša Modimo”. Lemoga gore Pesalome ye e ngwaletšwe lefase ka moka, e se fela setšhaba sa Israele. Se se re gopotša gore Morena ke yena Modimo lefaseng ka moka, gomme badudi ka moka ba lefase ba swanetše ke go mo tumiša, magowa a bona a lethabo le dikopelo tša lethabo.
Naa o goeleditše ka lethabo ge sehlopha sa gago sa rakpi se nweša nno e botse? Goba o opela ka lentšu la lethabo ge e le letšatši la matswalo la motho yo o mo ratago? Bjale, ipotšiše – a o iphetolela go mogau wa Modimo ka ditlhagišo tše di swanago tša lethabo?
Sefela se sa kgale ga e be segopotšo go rena gore re leboge. Morena ke Modimo, re setšhaba sa gagwe gomme yo mongwe le yomongwe wa rena o swanetše go mo tumiša le go mo hlompha.
