Jesu, Mesia wa rena – Letšatši la 5

“Ke tla ba romela moprofeta yo a swanago le wena a etšwa setšhabeng sa gabobona. Ke tla mmotša se a swanetšego go se bolela, mme oc tla ba botša tšohle tše ke ba laelago tšona. O tla bolela ka leina la ka, mme ke tla otla yo mongwe le yo mongwe yo a ganago go mo theetša.” Doiteronomio 18:18-19

Ka go Testamente ye Tala, ga go motho yo a bilego le seabe se segolo le khuetšo e kgolo go bana ba Israele go feta Moshe. Pentateuke, dipuku tša pele tše hlano tša Testamente ye Tala (Genese, Eksodose, Lefitikose, Numeri le Doiteronomio), di tsebja bjalo ka Dipuku tša Moshe, ka mo go swanago, khoutu ya melao ya sedumedi e tsebja bjalo ka Molao wa Moshe.

Pitšo ya Moshe go tirelo ya Modimo e tlile ge a phela bothopšeng Lešokeng la Sinai. Fao, ka lešokeng, Modimo o boletše le Moshe go tšwa go mošwana o tukago mollo. O boditše Moshe gore o mo kgethile go lokolla bomorwarragwe bao ba phelago bokgobeng kua Egepeta gomme a ba ete pele go ya Nageng ye e Holofeditšwego.

Moshe o ikwile a sa swanelwa: “Ke nna mang nka yago go kgoši le gona ka ntšha Baisraele Egepeta?” (Eksodose 3:11). Le ge go le bjalo, Modimo o mo matlafaleditše mošomo wo (Eksodose 4:12).

Ka Moshe, o bopa bana ba Israele go ba setšhaba sa Israele. Moshe e bile moruti wa bona le monei wa molao, gomme go sa setšwe mathata a mantši ao ba ipaketšego wona, o ba etile pele go ya Nageng ye e Holofeditšwego.

Moshe ga se dumelelwa go tsena Nageng ye e Holofeditšwego; tokelo yeo e filwe Joshua. Na o ka nagana ka dikgopolo tša lethabo le bohloko tše di ka bago di bile monaganong wa Moshe, ge Modimo a mo dumelela go bona Naga ye e Holofeditšwego yeo a bego a tlo dula go yona?

A ka ba a lemogile gore mošomo wa gagwe o feletše le gore o kgauswi le go hlokofala. A ka ba a belaeditšwe ke ka fao batho ba gagwe ba bego ba tlo phela ka gona, ka gobane Modimo o homoditše Moshe ka mantšu temaneng ya rena ya lehono.

Go meleko le mathata ao Moshe a itemogetšego wona, “Morena o be a bolela le Moshe ba lebane ka difahlego, bjalo ka ge motho a bolela le mogweragwe” (Eksodose 33:11). Le rena re na le tokelo, ka gobane re bolela le Modimo re lebantše difahlego, ka leina la Jesu.

Jesu ke mogwera wa rena!