Gopola maatla a gagwe – Letšatši la 13

Ye ke nakwana ya go makatša kanegelong ya ebanagedi. Mateu o ngwala dintlha tše dingwe go 16:13-20. O re, Jesu a fetola: “O lehlogonolo, wena Simone, morwa wa Johanese, ka gobane se ga se wa se utollelwa ke motho, eupša o se utolletšwe ke Tate wa legodimong.”

Naa e sa le wa ipotšiša gore ke ka lebaka la eng seo o se kwešišago ka Jesu le molaetša wa Ebangedi, se le boima le go se kwešišege go ba bangwe? Goba ke ka lebaka la eng, ge tirelong ya kereke, o ka kgongwa kudu, eupša ba bangwe kgauswi le wena, ba sa kgome ke molaetša?

Mo ke nnete ya go makatša gape ye e tseneletšego. Bjale ka ge Simone a ka ba a sa lemoga Jesu bjalo ka Mesia ka kwešišo ya gagwe, le rena re ka se kwešiše nnete ka Jesu, ge fela e fiwa go rena gore re e kwešiše. Modimo, ka kgaugelo ya gagwe e kgolo, o re bula mahlo gomme, gateetee, re kgona go bona se se bego se re utametše pele.

Se e swanetše e be semaka le go tumiša gore, ka kgaugelo ya gagwe e kgolo, o butše mahlo a rena gore re kgone go bona nnete. Diphodišo ka moka tša batho ba difofu ba ba bego ba kgopela goba batho ebangeding ba profetile tiragalo ye e kgolo – Moya wo Mokgethwa o bula kwešišo ya rena gore re dumele go Kriste le go phološwa.

Ka lebaka la seo, re swanetše go sepela ka boikokobetšo pele ga Modimo, re lemoga ka mo go feletšego gore re bao re lego bona ka kgaugelo le mogau feela. Ka lebaka la seo, ge re itemogela bao ba sa kwešišego goba go se dumele ebangedi, re swanetše go swaragana le bona ka boikokobetše bjo bogolo le kwelebohloko – e sa ka go ngangišana le bona goba ka makoko. Le rena re be re le difofu re sa bone. Re swanetše go rapela gore Modimo a gaugele le go bula kwešišo ya bona gore le bona ba bone ba dumele ka dipelo tša bona.

Se gape e swanetše e be segopotšo go rena gore re ka se ngangišane goba go kgodiša batho go dumela. Seo e swanetše e be mošomo wa Moya wo Mokgethwa dipelong le menaganong ya bona. Se se swanetše go re dira gore re rapele re tiišitše go batho ba re ba ratago le bagwera, gore ka ge re na le monyetla wa go bolela, mantšu a rena a tla ba maatla a a neago bophelo a Moya. Ake re be le lethabo la go bona ba bantši ba phološwa, ka lebaka la kutollo ya kgaugelo ya Modimo dipelong tša bona.