Go sepela le Modimo – Letšatši la 20
Go sepela le Modimo o na le maatla: Eliya
(Di)temana ya Bibele
JAKOBOSE 5
Eliya e be e le motho wa nama bjalo ka rena. O kile a rapela a kgothetše gore pula e se ne, gomme ka nnete pula ya se ne nageng mengwaga ye meraro le seripa. A boelela a rapela, gomme leratadima la tšholla pula, lefase la mediša dibjalo tša lona. Jakobose 5:17-18
Komelelo ke selo se se tanyago šedi ya mang le mang. E direga ka go nanya le go se kgaotše, gomme e ama motho yo mongwe le yo mongwe ka tsela e swanago, bjalo ka ge meetse a hlokega kudu gomme lefaufau le se na maru. Meetse a bohlokwa kudu maphelong a rena, bjalo ka ge lentšu la Modimo le le bohlokwa go bophelo bja semoya. Go tingwa ge nako e dutše e eya, ka ntle le go lokollwa, go hlaloša lehu le itšego, nameng goba semoyeng. Se ke se Israele e bego e lebeletšane le sona nakong ya Eliya. Mmušo wa ka leboa o be o diila semoyeng ka lebaka la dikgoši tša marabele tšeo di bego di khunamela medingwana, tšeo di dirilego gore go be boima go batho go latela molao wa Modimo.
Ge go bolelwa ka Eliya re gopola maatla a Modimo ao a mothofaditšwego ka mediro e makatšago (1 Dikgoši 17:14,22; 18:46). O be a rata morero wa gagwe, o be a bona nnete gabotse gomme a na le sebete go bolela legatong la Morena. O ile go Ahaba, kgoši, gomme a lemoša batho ka mo go kgodišago ka ditiro tša gagwe. Ka mo go kwešišegago, o be a bonwa bjalo ka yo mongwe wa baprofeta ba ba nago le temogo ba go tuma kudu ba Modimo a ba romilego go tliša lentšu la gagwe go Israele.
Eliya o rapetše gore pula e se ne “mengwaga e mmalwa e latelago” (1 Dikgoši 17:1), go bontšha batho ka tsela ya seswantšho komelelo ya meoya ya bona le go ba thuša go bona bohlokwa bja boemo bja bona bja semoya. Pula ya se ne mengwaga e meraro le seripa. Gomme a bitša phadišano moo baprofeta ba Baale ba bego ba tla rapela go Baale go gotetša dikgong go tšhuma sehlabelo, gomme Baale a palela go dira seo, le yena go rapela go Morena go theoša mollo wa tšhuma sehlabelo (1 Dikgoši 18:16-41). Re ka nagana ka tetelo yeo.
“Ka nako ya kabelo ya bupi ya mantšiboa moprofeta Eliya a ya aletareng gomme a rapela a re: ‘Hle, Morena, Modimo wa Abrahama le Isaka le Jakobo, a go tsebje lehono gore wena o Modimo wa Israele, le gore nna ke mohlanka wa gago, mme tše ka moka ke di dirile ka taelo ya gago. Nkarabe, Morena, nkarabe, gore batho ba ba tle ba tsebe gore wena, Morena, o Modimo, le gore o ba boetša go wena.’ Morena a theoša mollo gomme wa tšhuma sehlabelo le dikgong le matlapa le mobu, mme wa latswalatswetša le meetse ale a ka moleteng” (1 Dikgoši 18:36-38). Batho le semeetseng “ba itahlela fase ka difahlego, ba goa ba re: ‘Morena ke yena Modimo! Morena ke yena Modimo!’ ” (1 Dikgoši 18:39). Mo nakong ye, o ile a bolaya baprofeta ba Baale ba makgolo a mahlano le masomehlano.
Go bolaya baprofeta ba Baale le go tumiša Modimo ga Baisraele bjalo ka Modimo wa nnete o tee, go fedišitše komelelo. Go palela ga phatlalatša ga Baale go gotetša dikgong gore di tšhume sehlabelo ge go bapetšwa le pontšho ye botse ya Modimo ya maatla, ge a theošitše mollo go tšhuma aletare ye e bego e kolobile le dilo ka moka tše di bego di e dikologile, go dirile gore batho ba bone nnete ka go obamela ga Eliya.
