Go sepela le Modimo – Letšatši la 2

Jesu a re: “Na bjale o a dumela ka ge o mpone? Go lehlogonolo ba ba dumelago ba se ba mpona.” Johanese 20:29

Polelo “Thomase makgolwa ka go bona” ga e dirišwe fela mabakeng a Bokriste. Ge re na le nnete, re ka dumela gore go na le dinako tše ntši maphelong a rena moo hlogo ye e ka bago e diregile go rena. Go tswalano le ge e le efe, eupša kudukudu go tswalano ya rena le Modimo, potego e bohlokwa kudu, ka ge e aga tshepo le go thuba mapheko, ao a thibelago meputso e megolo. Le ge go le bjalo, ge re sa botege, re šitiša kgolo le tšwelopelo ya rena bophelong.

Go sa šetšwe tirišo ya rena ya inthanete, moo batho ba holegago ka tsela ye e bonagalago go se ba ka sa se bonego, ga bjale go na le batho ba bantši bao ba hwetšago go le boima go diriša kokwane ya tumelo, ye e tlišago meputso ye megolo kudu le go re kgontšha go “kgolwa tše re sa di bonego” (Baheberu 11:1). Badumedi ba ka, ka dinako tše dingwe, belaela ka dikarolo tša tumelo, le gaešita e se tumelo go Jesu Kriste ka boyena gomme, bjalo ka Thomase, ga ba dumele le semeetseng dipolelo tša Gagwe, eupša ba hloka potego ya Thomase go dumela seo gomme ka gona ba a tekema.

“Thomase makgolwa ka go bona” o be, ka kgegeo, a le morutiwa yo a botegago kudu wa Jesu. Ge Jesu a be a nyaka go ya Judea morago ga lehu la Lasarose, gomme barutiwa ba gagwe ba gana gore a sepele le bona ba boifa gore o tla bolawa ka maswika, go bile Thomase yo a emego gomme a bolela ka sebete a re, “Le rena a re yeng gore re yo hwa naye!” (Johanese 11:16). Gape e bile yena yo, ge Jesu a ba botša gore o ya go Tatagwe, a boletšego gore, “Morena, re ka re re sa tsebe mo o yago, tsela ya go ya gona yona ra e tseba?” (Johanese 14:5). Lefaseng la rena le le hlakahlakanego, re sa holega go tšwa karabong ya Jesu go potšišo ye. “Tsela ya gona le therešo le bophelo ke nna. Ga go yo a yago go Tate ge e se ka nna” (Johanese 14:6). Jesu ke yena tsela e le noši ya go ya go Modimo.

Ke Thomase fela yo a bego a sena barutiwa ba bangwe ge Jesu, morago ga ge a bapotšwe, a tšwelela go bona ka mmele wa gagwe wo o tsošitšwego bahung, gomme Thomase a nyaka go bona bohlatse pele a ka dumela go tsogo ya gagwe (Jesu) bahung.

Go se dumele mo go ka re makatša, eupša potego ya gagwe e tlišitše seetša leswiswing la gagwe. Gaešita lehono, go gana ga gagwe go ikaketša go tliša tlhohleletšo le tharollo go bao ba katanago le go se dumele, ka gore re bona ka fao Jesu a swaraganago le Thomase ka kgaugelo. Potego ke go dumela gore go palela mo go bakile gore Jesu a tle go Thomase go fediša pelaelo ya gagwe le go e fetoša tumelo ya lethabo, ka ge a bile morutiwa wa pele go bega Jesu bjalo ka Morena. “Ke moka a re go Thomase: ‘Mphophole ka monwana mo, o lebelele le diatla tša ka, o otlolle letsogo o mphophole mo lehlakoreng, gomme o lese go belaela, o dumele.’ Thomase ge a mo fetola a re: ‘Morena wa ka le Modimo wa ka!’ ” (Johanese 20:27-28)