Go sepela le Modimo – Letšatši la 14
Go sepela le Modimo bjalo ka mohlanka: Petrose
(Di)temana ya Bibele
2 PETROSE 1
Nna, Simone Petrose, mohlanka le moapostola wa Jesu Kriste, ke dumediša bao, ka go loka ga Modimo wa rena, yena Mophološi Jesu Kriste, ba filwego tumelo ye bohlokwa bjalo ka ya rena, ke re: Nke le okeletšwe kgaugelo le khutšo ka go tseba Modimo le Jesu, Morena wa rena. 2 Petrose 1:1-2
Nakong e fetilego re boletše ka Samuele, mohlanka yo a bego a obamela Modimo go tloga bjaneng, eupša lehono re ka go Testamente ye Mpsha go bolela ka Petrose, yo a ipitšago mohlanka wa Modimo, yo a bego a šetše a godile ge Jesu a mmitša.
Tumedišo nnete ya Petrose e tšwa pelong ya lethabo ya monna yo a bego a tseba Jesu le go itemogela tšohle tše a bego a di rapelela babadi ba gagwe gore ba šegofatšwe ka tšona. E be e le motho yo bophelo bja gagwe le tše di tlago pele bophelong bja gagwe di fetošitšwego le semeetseng ge Jesu a re, “Ntateleng …” (Mateu 4:19) lebopong la Letsha la Galilea. Petrose o thomile bjalo ka morei wa dihlapi yo a tlwaelegilego gomme a ba leswika leo go lona Jesu a bego a tla aga kereke ya gagwe.
Petrose o tlwaelegile go batho ba bantši ka gobane boitshwaro bja gagwe gantši ke bjo ba bo bonago go bona gomme le semeetseng ba itshwantšha le yena. Petrose, kgafetšakgafetša, ga a theeletše ka tlhokomelo gomme o nagana gore ga a kwešiše se Jesu a se bolelago. Ge Jesu a bolela ka tsela e bonolo ka Bafarisei bjalo ka dihlahladifofu tšeo di foufetšego ba kwešiša lebaka le le dirago gore Petrose a re, “Re hlalošetše taba ye o e bolelago ye,” (Mateu 15:13-15) gomme o ithute karabo.
Petrose, le ge go le bjalo, ka dinako tše dingwe o makatša bohle ka nakwana ya “aha!” le go bontšha temogo ya semoya ye e makatšago, ka ge go bonwa ge a araba Jesu ge a botšiša gore ba nagana gore ke Yena mang: “Ke wena Mesia, Morwa wa Modimo yo a phelago” (Mateu 16:16). Jesu o ratile nnete ya gagwe le go tseba gore Modimo o mo utolletše nnete ye. A tiišetša: “Etse ke wena Petrose. Bjale godimo ga lona leswika le ke tla aga kereke ya ka, gomme le ona maatla a lehu a ka se e fenye” (Mateu 16:18). Re kwešiša nakwana ye le go thaba ka gare go yona ka lebaka la se Modimo a ka se dirago ka gare ga motho yo a dirago diphošo.
Petrose gantši o dira diphošo, gaešita le go latola Jesu gararo, eupša ka mehla o be a lemoga phošo ya gagwe, a sokologa ka nnete gomme le semeetseng a boela go hlankela Jesu ka pelo ya gagwe ka moka. Ka boikokobetšo bja gagwe, o godile semoyeng le go ba mohlanka yo a ikgafilego. E be e le moetapele wa barutiwa, a rera ka maatla a Moya wo Mokgethwa ka Pentekoste gomme a bega ebengedi ka go se lape. O be a hlokomela kereke ya pele ka magwalo a gagwe, a ba hlohleletša le go ba ruta.
Jesu o re bitša ka moka go mo latela. Ge re nologile moko, o re tutuetša ke bophelo bja Petrose le go tshepha gore “yo a thomilego modiro wo mobotse wo mo go lena o tla o tšwetša pele go fihlela a o phetha …” (Bafilipi 1:6), bjalo ka ge a mo diretše.
