Go sepela le Modimo – Letšatši la 11

O be a nyamile kudu, mme a lla gabohloko ge a rapela Morena. 1 Samuele 1:10

Ge re ka thoma ka Sarai, akaretša basadi ba bangwe ka Bibeleng bao ba hweditšego go le boima go ba le ngwana, gomme o oketše ka maina a bao re ba tsebago lehono boemong bjo bo swanago, re tla lemoga gore bothata bja go ba moopa bo tlaišitše basadi ba bantši nako e telele. Lehono, batho ba bantši ba hwetša kalafo ya pelego, eupša seo ga se hlaloše katlego ka mehla gomme go palela go ka baka go opa ke hlogo, go tlalela gomme, ka dinako tše dingwe, tlhalo.

Tlhalošo ya Hanna e bontšha motho yo a robegilego moyeng le go tlaišega kudu. O be a šetše a le boemong bjo bo sa dumišego wa go ba yo mongwe wa basadi ba babedi gomme le ge Elkana a be a mo rata kudu, o be a sa thaba ka gobane a se na ngwana. Seo se mpefaditšego bothata ke gore mosadi yo mongwe o be a šetše a na le barwa le barwedi, gomme ge ba ya go rapela, Penina o be a mo kwera go fihlela a lla le go lahlegelwa ke kganyogo ya dijo.

Hanna, le ge go le bjalo, o be a tshepha Modimo le go dumela gore o tla mokwa ge a rapela, a sa lla, a botša Modimo manyami a gagwe: “Hanna a ena a re: ‘Morena Ramaatlaohle, ntebelele, nna, mohlanka wa gago! Bona bothata bja ka mme o nkgopole! Hle, se ntebale! Ge o ka mpha ngwana wa mošemane, ke tshephiša gore ke tla mo abela wena bophelo bja gagwe ka moka, le gore a ka se tsoge a kotilwe moriri.’ ” (1 Samuele 1:11)

Ye e be e se keno ye nnyane go mme ofe goba ofe go e dira, eupša Hanna o bone bokgethwa go Modimo, pušo ye e feletšego le Mošireletši wa Israele (1 Samuele 2:2). Thapelo ya gagwe e be e hloka boithati le go ya ka thato ya Modimo. O tlogetše bothata bja gagwe le yena gomme a boela ka lethabo go ba bangwe.

Ge Samuele a belega, o phethagaditše kholofetšo ya gagwe, morago ga go mo tshweša letswele, o ile a mo neela Modimo gore a mo hlankele bophelo ka moka. Tirong ye, ge ele gabotse o fele Modimo pelo ya gagwe. “Ke be ke mo kgopela yena ngwana yo, gomme o mphile se ke bego ke se kgopela. Ka gona nna ke mo abela Morena. Bophelo bja gagwe ka moka e tla ba wa Morena.” (1 Samuele 1:27-28). Ga go maketše ge Samuele e bile moahlodi yo mogolo wa Israele. Hanna, o ile a thaba ka ge a belegwe ka tumelo ya gagwe le potego!

Boopa ka se bopego sefe goba sefe bo baka manyami; ge e le gabotse ke boemo bja go se phethagatšwe bjo bo hlokomologwago. Go palela go atlega go ka senya le go šitiša tšwelopele, gomme go se be le kwelobohloko ga ba bangwe ga go kgotlelelege. Eupša boitemogelo bja Hanna bo tšweletša gore Modimo o na le morero ka tšohle tše di diregago maphelong a rena. Go diegiša go ba le ngwana ga Hanna go bile le bohlokwa bjo bogolo bja batho ba gagwe ka moka, gomme bohloko bja gagwe le go itekola go mo dirile gore a batamele kgauswi le Modimo. Go e na le go tlogelwa a se na selo, o tladitše bophelo bja gagwe ka go feta se a se kgopetšego gomme a ikgafa ka mo go feletšego go yena.

Diema 13:12 e bolela gore “Seletelwa se se sa phethagalego se a nyamiša, senyakwa se motho a se hwetšago sona se a thabiša”.