Segwera – Letšatši la 12

Ge e le gore Elifase o ile go Jobo ka šedi e kgolo le gore Bildade o be a kgopišitšwe ke Jobo, mogwera wa boraro go bolela, Tsofare, o tuka bogale le go ba sehlogo ka mo go feletšego.

Le ge Elifase a sa akaretše Jobo magareng ga badiradibe gomme Bildade ga a na nnete ya boemo bja Jobo bja boitshwaro, Tsofare o na le nnete ya gore boitshwaro bja Jobo bo a fokola. Le ge karabo ya Jobo e kgopiša Bildade, re ba le kwešišo ya gore Jobo o roga Tsofare. Ye ke tlhalošo e kaonekaone ya mantšu a a sa letelwago a sehlogo ao a a botšago mogwera wa gagwe. Go ya le ka Tsofare, Modimo o otlile Jobo gannyane. Ke tiro ya mogau gore se sengwe se sebe ga se a direga.

Elifase o be a na le botho, eupša a fošitše ka gore o ithekgile fela go boitemogelo bja gagwe. Bildade ga a dikadika go botša Jobo gore o be a fošitše ka semelo sa Modimo gomme Tsofare o boditše Jobo, serokaphatla, gore ke modiradibe le gore ke lešilo. Bagwera ba Jobo ba be ba nagana gore ba kweišiša gore ke ka lebaka la eng a be a tlaišega. Ba ganne go dumela gore Jobo o be a se na molato gomme ka bonganga ba tšwetše pele go mo fa keletšo e mpe. Ge a be a sa ba theeletše, ba sepela.

Ke ga kae moo o dikološitšego mahlo a gago goba wa omanya mogwera ka bogale ka gobane o naganne gore, ka tsela e itšego, o ikgogoletše magala hlogong? Re ka se efoga bjang se?

Ke mo go swanetšego gore re retologele lentšung la Modimo, eupša re swanetše go diriša nnete ya Modimo ka lerato, gore e gole le go kaonafala (Bafilipi 1:9-11; 1 Timotheose 1:5). Bagwera ba Jobo ba naganne gore Jobo e be e le yena yo a nyakago go phošollwa ge, ka nnete, e be e le bona bao ba nyakago go fetoša mokgwa wa bona.