Etlang go nna – Letšatši la 8
Thapelo ya Hiskia
(Di)temana ya Bibele
JESAYA 37
JESAYA 37
Re be re bala ka Kgoši Hiskia le mathata a gagwe a a bego a oketšega. O hwetša molaetša go tšwa go molaodi wa madira a Asiria, yo a dikaneditšego Jerusalema, wo o hlalošago maemo a go ineela. Naa Hiskia o iphetolela bjang?
O ya tempeleng ya Morena gomme a le phutholla mo pele ga Morena.
Naa phetolo ya ka ya pele e be e tla ba go ya bogoneng bja Modimo le go rapela? Naa ke be ke tla tshwenyega ka fao a rogilego Modimo? Naa ke be nka be ke biditše Modimo go itšhireletša ka go šireletša nna?
Hiskia o tsebile gore a ka bota mang. Ge o bala thapelo ya gagwe ka moka (Jesaya 37:16-20), o tla lemoga gore o išitše thapelo ya gagwe go ‘Morena Ramaatlaohle’, ‘Modimo wa Isarele’, ‘Modimo’ (gabedi), ‘Morena’ (ganne). Hiskia o bota boemo le semelo sa Modimo Ramaatlaohle, Modimo yo a ‘dutšego setulong sa bogoši’, ‘yo a bušago mebušo ka moka’, le yo ‘a hlodilego legodimo le lefase’. Go oketša moo, o fegolla sa mafahleng. O kgopela Modimo go ‘kwa’, go ‘bona’, go ‘theeletša’, gomme sa mafelelo, go ‘phološa’ yena le batho ba gagwe.
Thapelong ya Hiskia, re bona sebete, go ithekga, go tshepha le kwesišo ya tlhago ya nnete ya Modimo. Hiskia o kwešiša mafokodi a gagwe; gore o a fokola le gore go na le lefelo le tee feela le a ka yago go lona la tšhireletšo. Gape, lemoga gore Hiskia ga a rapelele feela tšhireletšo ya gagwe, eupša letago le leina la Modimo, le gore batho ba ba sa tsebege Modimo kgauswi le yena ba tsebe leina la Morena le go mo hlompha.
Naa thapelo ya gago e bontšha pelo ya go bega ebangedi ya Modimo?
