Etlang go nna – Letšatši la 15

Ka 1741, monna wa Engelane, Charles Jennens o ngwetše lenaneo la go kgahliša la mangwalo a makgethwa a bega kanegelo ya nnete ya ngwana Kriste. Go hlama kanegelo ya gagwe, Jennens o kgethile ditemana tše 73 go tšwa go bobedi Testamente ye Tala le Testamente ye Mpsha. Tše 22 tša ditemana tšeo go tšwa pukung ya Jesaya. Jennens o rometše kgoboketšo ya ditemana go mogwera wa gagwe wa go loka, George Fredric Handel.

Mehleng ya ge batho ba be ba sa kgone go bala le go ngwala gomme diBibele di tura kudu le go ba gona ka sewelo, Handel o thabišitšwe ke lenaneo la Jennens. Handel o thomile “oratorio”, tlhamo ya mmino ye e hlamilwego go ruta ditemana ka go di tsenya mminong. O kwešišitše ka mo tlhamo e bjalo mabapi le bophelo le bophelo bja Jesu e ka bago bohlokwa ka gona, gomme a thoma go šomana le yona le semeetseng. Ka diiri tše 24 feela, o hlamile e tee ya dipuku tša mmino wa diletšo ye e hlomphiwago le go ratwa kudu historing ya mmino. Mohlomongwe o ka ba o e kwele: Handel’s Messiah.

Puku ya Jesaya e tšwelela gantši go Handel’s Messiah. Ka go lebanya, kgaolo e tee e tšwelela gape le gape – Jesaya 53. Le ge go le bjalo, Jesaya 53 e tsebja kudu ka mabaka a bohlokwa go e na le mmino o phagamišitšwego wa Handel. Jesaya 53 e tsebja kudu ka gobane o profeta tlaišego le lehu la Mesia, mohlanka wa Modimo yo a tloditšwego.

Tlaišego ya Kriste le lehu la gagwe sefapanong ke kgwekgwe ya ebangedi. E bile dibe tša rena tše di bakilego gore Jesu a tlaišege le go hlokafala, gomme ka tlaišego ya gagwe le lehu, re a fodišwa. Ka gobane Jesu o be a ikemišeditše go tlaišega, re na le khutšo le Modimo. Ka gobane Jesu o tlaišegile le go hlokafala, re na le bophelo, bophelo bjo bo sa felego. Ka lebaka la tlaišego ya gagwe le lehu, Jesu o re boelantše le Modimo.

Kanegelo e re morago ga pontšho ya pele ya Messiah, yo mongwe wa babogedi yo a bego a thabile kudu o lebogišitše Handel ka mmino o mmotse kudu wa “boithabišo”. “Boithabišo!”, Handel a fetola, “Morero wa ka e be e se go thabiša, eupša go le ruta se sengwe.”