Etlang go nna – Letšatši la 16

Bajuda ba kgale e be e le ba lehono re ka ba bitšago batho ba “bodumedi”. Ba be ba lebišitše tlhokomelo ya bona e ntši go mekgwa ya bona ya ditirelo, meletlo le setšo. Lerato la bona la meletlo le dirile gore ba bonale bjalo ka setšhaba se se lokilego go mang le mang yo a bego a ba šeditše (Jesaya 58:2). Le ge go le bjalo, ditlwaedi tša bona tša bodumedi e bile maitemogelo a bona a a feletšego; ba hlokomologile lehlakore la bona la semoya la tswalano ya bona le Modimo. Ba be ba rata meletlo, eupša e se Modimo goba bona beng!

Jesaya 58 e swaragana le karolo e tee ya setlwaedi sa bodumedi bja Bajuda – go ikona dijo. Bajuda ka ntle le kgonono ba be ba ikona dijo “ka mo go nepagetšego” mabapi le dinywakwa tše ntši tša ka ntle. Le ge go le bjalo, lemoga se sengwe se se bego se direga, ba be ba swara bašomedi ba bona gampe le go lwa ka seng. Modimo o lebeletše go feta go loka ga ditšo tša bona le meletlo, gomme a bona bomenetša bja maitshwaro a bona!

Kgabagareng ya tše, Jesaya o tla le go ba botša gore go ikona dijo ga bona ke tirelo ya lefeela gomme ga go kgahle Modimo. O tšwela pele go hlaloša se go ikona dijo ga mmakgonthe e lego sona, a re, “Efang ba ba swerwego ke tlala dijo, gomme badiidi ba ba se nago magae le ba amogele ka malapeng a lena. Batho ba ba se nego diaparo le ba fe tšona, le meloko ya lena le se ke la gana go e thuša?” (Jesaya 58:7)

Modimo o nyaka gore re be batho ba ditiro le kwelobohloko. Go ikona dijo ga mmakgonthe ga se fela go dira ka ntle le; ke go ikgafa go ba bangwe. Ke go apara diaparo tša maratha gore o kgone go neela ka diaparo tša gago tše kaone go motho yo mongwe yo a se nago diaparo. Ke go bulela batho bao o sa ba tsebego mabati a gago le go abelana legae la gao le bao ba se nago lefelo la go dula. Ke go ba gona go bagwera le meloko ya gago, gaešita le ge o sa nyake.