Ditswalano – Letšatši la 6

Motho yo mongwe le yo mongwe o leetong la bophelo. Lega go le bjalo, le akaretša go feta leeto le boyo – le hwetša tlhalošo ya nnete go ye re sepelago le yena le yo re nago le tswalano ya nnete. Lerato la Modimo go batho le tumo ya gagwe ya go ba le tswalano le rena ke moko wa leeto la rena: “… ke tla boa ka tla ka le tšea gore le lena le yo ba mo ke lego gona” (Johanese 14:3). Go ba ga rena “moo A lego gona” go re dira gore re be batho bao ba fetošwago ka mehla gore re swane le Yena (2 Bakorinte 3:18). Go tšwa go tswalano ye go ba bonolo go ba motho go motho yo mongwe leetong la bophelo.

Se, lega go le bjalo se tliša boikarabelo: O swanetse go iša batho “moo A lego gona” – se ke tiro yeo e kgonegago: “Ke yena a filego batho dimpho: bangwe a ba dira baapostola, bangwe ya ba baprofeta, bangwe ya ba babegi ba Ebangedi, bangwe ya ba badiša le baruti, a direla gore badumedi ba itokišetše modiro wo ba swanetšego go o direla Modimo, e lego go aga mmele wa Kriste” (Baefeso 4:11-12). Mosaekholotši Larry Crab o dira kakaretšo ka mo go latelago: “Kereke ke setšhaba sa batho ba ba lego leetong la go ya go Modimo.” Ditswalano tša kgonthe tša go nea le go abelana e ba peeletšo ya boleng bja go sa felego, gore bohle re be re tle re be ba tee tumelong le tsebong ya rena ya go tseba Morwa wa Modimo, re be ba ba budulego go tša tumelo bjalo ka Kriste (Baefeso 4:13).

Jesu o bea mohlala: “A bea ba lesome le metšo ye mebedi baapostola gore ba be le yena, le gore a tle a ba rome …” (Markose 3:14). Ela hloko gore Jesu o tšere kgato ya go ba akaretša bophelong bja Gagwe, e se ka tsela ye nngwe. Tswalanong ye ba utolla yo Modimo e lego Yena ka nnete, go ra go reng go ba molatedi wa Jesu Kriste ka pelo ka moka, gape le mošomo wa bona bjalo ka balatedi. Go feta moo, tswalano ya bona le ba bangwe e laeditše maatla a magolo a ditirelo tšeo di tlago ama lefase go ya go ile.

Tswalano ya mohuta o e nyaka gore re dire se re se bolelago. Ka mantšu a mangwe, e ba mohlala, phela bjalo ka mohlala. Go lefase le le robegilego gape la tlhakatlhakano, se ga se bonolo. Re ka kgona bjang? E ba moo A lego gona! Latela Yena bjalo ka ge moriti wa gago o go latela. Ke Seetša – phela seetšeng sa Gagwe; Ke Morara – Dulang le le ba ba tee le Yena (Johanese 15:4-5); Ke Tsela – sepela ka tsela ya Gagwe; Ke Nnete – dumela go Yena; Ke Bophelo – Phela go tšwa go Yena yo A phelago ka go wena (Johanese 14:6).