Ditswalano – Letšatši la 11

Ge bakgathatema ba batho ba palela maphelong a rena, ga se lebaka la go kwagala la go ka iphutha gomme ra latswa dintho tša rena. Wa bona, mokgathatema yo mogolo bophelong bja modumedi yo mongwe le yo mongwe ke Moya wo Mokgethwa yo a sa palelego, yo a lego gona ka mehla ka gare go wena le wena. Ke Parakletos, Yo a bitšwago kgauswi le wena, goba bjalo ka ge re Mo tseba, Mohomotši goba Mothuši yo a rometšwego ke Tate go bohle bao ba latelago Jesu.

“Ke tla kgopela Tate a le fa Mothuši yo mongwe wa go tlo dulela le lena sa ruri – Moya wa go utolla therešo, wo batho ba lefase ba sa kgonego go o amogela, ka ge ba sa o bone ebile ba sa o tsebe; Lena le a o tseba ka gobane o dula le lena, ebile o tla no ba mo go lena” (Johanese 14:16-17; 16:7).

Ga o phele ka ntle le bogona bja Moya wo Mokgethwa ge o phela ka ditherešo tša Johanese 14:

O dumela go Modimo le go Jesu (temana ya 1); o dumela gore Kriste o go Tate le Tate o go Kriste (temana ya 11); o dumela go le go phelela Kriste – tsela, therešo le bophelo (temana ya 6); gomme o rata Kriste, gomme o phetha melao ya Gagwe (ditemana tša 15,21,23). Ekaba bjale o a kwešiša gore ke ka lebaka la eng go kgonega go rena go phela tswalanong ya kgauswi le Modimo?

Go se kgodišege e e bakago ke nnete ya gore ka lehlakoreng le la bophelo re ka tseba fela karolo ya bjona, gape le dithulano tše ntši bophelong tše re kopanago le tšona, e a hlobaetša. Lega go le bjalo, ka gobane Ke Moya wa Therešo le go dula ka gare go wena le wena (Johanese 14:17), O tseba gabotse ka mo o ikwago ka gona, o naganago le go tšhoga mabapi le dipotšiso tša gago tše boima mabapi le seo therešo e lego sona. Ka lona lebaka leo O kgona go go hlahla go therešo ka moka (Johanese 16:13) – ge o Mo dumelela.

O tla go ruta gape dilo ka moka le go go gopotša dilo ka moka tše A di boditšego barutiwa ba Gagwe (Johanese 14:26). Gape O tla go ruta ka dilo tše o sa di tsebego ga bjale: “E tla re ge go tlile wona Moya wa go utolla therešo, wa le tsebiša therešo ka moka. Gape o tla be o sa ipolelele, o tla be o bolela tše o di kwago; o le begela le tše di sa tlilogo hlaga” (Johanese 16:13).

Gape o hloka go gopola gore Moya wo Mokgethwa o fetola tlhaka ya Lentšu go ba sebetša se maatla seo, gammogo le ditlhamo tša mmele, ga se go kgontšhe fela go lwantšha tlhaselo efe goba efe ya leswiswi, eupša gape go ema o tia ntweng (Baefeso 6:13,17).