Dithuto tša bophelo go tšwa Bibeleng – letšatši la 12

Ge go be go na le ngwana wa ka bogošing yo a belegetšwego ka lapeng la bahumi e be e le Usia. O be a na le mengwaga ye 16 ge a bewa kgoši ya Juda.

Kgoši ye ya mošemane ga sanka ya dira phošo, o be a tumile kudu. O ile a hlompha Modimo nakong ya Sakaria yo a mo rutilego go boifa Modimo. Ge a hlompha Morena, Modimo a mo putsa ka katlego (2 Dikronika 26:5). Ka tlase ga pušo ya gagwe, Juda e ile ya ipshina ka katlego ye e se nago thaka. A katološa nagaselete ya Juda gomme a matlafatša mellwane ya yona.

Usia o tsebega kudu ka bokgoni bja gagwe go tša ntwa. Madira a gagwe a be a rutilwe gabotse gape ba hlamilwe ka mo go swanetšego. A fihlelela phenyo morago ga phenyo.
Go oketša moo, a tšea nako ya gagwe ye ntši a hlabolla ekonomi ya Juda ya tša temo. O ile gape a aga ditora tša tlhapetšo lešokeng le go epa didiba tše ntši ka gobane o be a na le mehlape ye mentši kua dinagengtlase le kua melaleng. O bea na le balemi bao be bego ba lema mašemo le dirapa tša gagwe tšaa merara kua nageng ya dithaba le dinageng tše di nonnego, ka gobane o be a rata temo (2 Dikronika 26:10).

Ge Juda e atlega kudu, bohlokwa le seriti tša gagwe tša gola, eupša le ge re ka ba le ditalente ga kaaakang, ga re a swanela go dumela gore diphihlelelo tša rena di tla ka lebaka la maiteko a rena fela. Usia a dumela bjalo, a ikgogomoša gomme a se hlwe a hlompha Modimo.

A ya tempeleng gomme a nyaka go itšhumela seorelo aletareng. Baprista ba mo thibela bjalo ka ge a be a sa kgethwafatšwa go dira seo. Usia a befelwa gomme a galefela baprista gomme ka go dira seo, bolwetši bja lephera bja tšwa phatleng ya gagwe. Ba mo ntšhetša ka ka ntle ga tempele ka pela. Yena ka boyena o be a nyaka go tšwa ka ge a lemogile gore Modimo o mo otlile.

Kgoši Usia a fetša mengwaga ya gagwe ya mafelelo a na le bolwetši bja lephera, a dula thokwana a le noši gomme a sa dumelelwe go tsena ka tempeleng. Kgoši ye e bego e na le dilo ka moka, ya lahlegelwa ke tšohle.

Boikgogomošo ke sebe se kotsi, bo re aroganya le Modimo le go ipshina ka kopanelo ya mmakgonthe.