Dira phapano – Letšatši la 9

Ka ge le le ba ba theeletšago, le se dumele go lakwa ke ditumo tšela tša lena tša mola le sešo la tseba selo ka Modimo. 1 Petrose 1:14

Ntweng ya lefase ka bophara kgahlanong le sebe, re swanetše go tseba lenaba la rena le go tseba dibetša tša rena. Naa lešole le ka ya ntweng ka ntle le sethunya? Ka mo go swanago, molatedi wa Jesu a ka lwa dintwa tša semoya ka ntle Bibele? Yo mongwe le yo mongwe o swanetšwe go rutwa le go neelwa ditaelo gore a be le katlego ye e feletšego.

Thuto e bohlokwa kudu gape e a nyakega setšhabeng sa gaborena, ka gobane e aba kwešišo ya bophelo le meputso maemong a fapafapanego. Go hloka tsebo ka mehla ga go thabiše, go sa šetšwe gore seema sa kgale se reng. Go hloka tsebo go go dira gore o be boemong bjo bo sa lokago gomme gantši o lahlegelwa ke dilo tše botse, ka gobane ga o na tsebo.

Selo se se swanago se a direga ge re e ba bana ba Modimo. Re amogela ebangedi, gomme re tswala leswa go bophelo bjo boswa le kwešišo ye mpsha ya maatla ge re neela Jesu Kriste dipelo tša rena. O fetoša leswiswi la rena la semoya ge a re tlatša ka Moya wa gagwe le go re nea maatla go dikganyogo tša sebe tša rena tša kgale. O tloša go hloka tsebo ga rena ge re gola go baleng Bibele gomme re retologa go tšwa go nako yeo ya go se be le molao, ge re buša maphelo a rena le go dira dilo gore re holege go ya ka thato ya rena.

Petrose o tseba kgatelelo ye Bakriste ba bago le yona ge ba lebeletšane le tlhomaro le gore yo mongwe le yo mongwe o na le mafokodi ao a mo šitišago go Modimo. O re hlohleletša go boloka ditekanyetšo tša rena, gore re se boele morago ditseleng tša rena tša kgale. Bjalo ka motho yo a kago hwetša boima bja mmele wa gagwe bja pele ge a ka boela morago mekgweng ya gagwe ya go se je gabotse, ka gona Mokriste o kotsing ya go lahlegelwa ke tsepelelo go Jesu, ka go boela morago go ditsela tša gagwe tše mpe, goba ge a kgotlelela dilo tše di sa mo tumišego.

Gantši ga re lemoge dilo tše mpe ka gare go rena tšeo di re goketšago go boela morago le go re gobatša, eupša bjalo ka ge re ile ra tlamega go dira sephetho sa go latela Jesu, re swanetše go dira sephetho sa go tlogela maphelo a rena a kgale.

Re swanetše go ba le mafolofolo. Paulose o eletša babadi ba gagwe gore “Itlhameng ka dihlabani tšohle tše Morena a le fago tšona gore le kgone go iphahlela bomenemene bja Diabolose” (Baefeso 6:11). Ka go dira se, re tla latela mohlala wo o phethagetšego wa Jesu. Johanese o re, “Fela lena, bana ba ka, ke lena ba Modimo, gomme baprofeta bao ba maaka le ba fentše, gobane yo a le tsenego o feta yo a tsenego ba lefase” (1 Johanese 4:4). Ka morago, o re, “Re a tseba gore ga go ngwana wa Modimo yo a ka nogo tšwela pele le go dira dibe, gobane Morwa wa Modimo o a mo lota, gomme Rabobe a ka se mo dire selo.” (1 Johanese 5:18)

Ye ke tlhohleletšo ye botse!