Dira phapano – Letšatši la 10

Sa lena a e be go ba bakgethwa go tšohle tše le di dirago, bjalo ka ge Modimo yo a le biditšego le yena e le yo mokgethwa. Gape Mangwalo a Makgethwa a re: “Ebang ba bakgethwa, gobane nna ke yo mokgethwa.” 1 Petrose 1:15-16

Moshe o rotše dieta tša gagwe ka gobane o be a eme lefelong le lekgethwa; Baisraele ba ile ba thothomela ka tlhompho, tlase ga Thaba ya Sinai, ge ba bona digadima le go kwa modumo ge Modimo a kopana le Moshe; Jesaya o lemogile sebe sa gagwe le go se swanelwe ga gagwe ge a bona bokgethwa bja Modimo (Jesaya 6) gomme go Kutollo, ge diphedi tše nne tše di fofago go dikologa setulo sa bogoši sa Modimo, tšeo, “Bošego le mosegare di be di duletše go opela di re: ‘Yo mokgethwa, yo mokgethwa, yo mokgethwa ke Morena Modimo Ramaatlaohle yo a bego a le gona, yo a lego gona, gape a sa tlilogo tla.’ … bagolo bale ba masome a mabedi a metšo ye mene ba itahlela fase pele ga yo a dutšego setulong sa bogoši, ba mo khunamela …” (Kutollo 4:8,10). Ga go motho yo a ka lebeletšanago le bokgethwa bja Modimo gomme a sa šišinyege.

Ke tsebile gore “bokgethwa” bo mabapi le Modimo, gomme, ka gona, bo na le maikwelo a sekgethwa ao a kopantšwego le toko, bohlweki, tlhompho le poifo – ge e le gabotse tšohle di fapane go tšwa go beng motho. Ke lemogile maikwelo a itšego a poifo ge ke tsena ka kerekeng, ka lebaka la go ba gona ga Yo a phethagetšego yoo Habakuku a boletšego ka yena gore, “Mahlo a gago a hlwekile mo o ka se lebelelego tše mpe, o tenwa ke go bona ba ba dirago tše kgopo” (Habakuku 1:13). Lefelong leo ke kwele bogona bja gagwe mafelong a mangwe gape, eupša ka se be le maikwelo a ka fao motho ofe goba ofe, ka ntle le Modimo, a bago yo mokgethwa.

Ke leboga mofahloši wa ka wa Dithuto tša Sejuda, Mojuda wa Segologolo, go re nea tlhalošo e bonolo ya bokgethwa: go beelwa thoko. Modimo o hlomilwe kgopolo ye ya bokgethwa nakong ya tlholo ya lefase, ge a tlotša letšatši la bošupa go ba letšatši leo le beetšwego thoko go a mangwe. “A šegofatša letšatši la bošupa mme a le dira letšatši le lekgethwa, ka gore ka letšatši leo ke ge a feditše tlholo ya gagwe mme a lesa mošomo ka moka ” (Genese 2:3). Se se le dirile go ba leo le fapenego le go ba le khethegilego, dilo tše di humišago bophelo.

Ge Petrose a ngwalela batho ba Modimo ka go ba yo mokgethwa, ga e tšwe go tšwa kae goba kae. Ditemaneng tša pele tša lengwalo la gagwe, o gatelela bohlokwa bja go obamela le go phela ka tsela ye e fapanego go tloga mola o tsebago Kriste. Mo, o gatelela taelo ya Modimo go Baisraele. “Ke nna Morena Modimo wa lena, gomme ineeleng go nna, mme le beng ba bakgethwa, ka gore nna ke yo mokgethwa. Ke nna Morena yo ke le ntšhitšego Egepeta gore ke tle ke be Modimo wa lena. Le beng ba bakgethwa, ka gobane nna ke yo mokgethwa.” (Lefitikose 11:44-45)

Modimo o bitša bao Kriste a ba phološitšego go morwalo wa sebe, go phelela yena fela le go ba dihlatse bjalo ka bana ba gagwe, ba humišitšego ke bophelo bjo bo feletšego bjo a bo neago. Modimo o nyaka bana ba gagwe go beelwa thoko go sebe le go se hlweke, le go katanela bohlweki bja boitshwaro. Ke motswadi ofe yo a sa nyakege ngwana wa gagwe a tsebja bjalo ka wa gagwe?

Naa o tla ikgafa go beelweng thoko o beelwa yena?