Bible Society of South Africa
Dithulaganyo tša go bala
Dira phapano
Dira phapano – Letšatši la 8
Louise Gevers

Dira phapano – Letšatši la 8

Go obamela go Dira Phapano go Bophelo

(Di)temana ya Bibele

1 PETROSE 1

14Ka ge le le ba ba theeletšago, le se dumele go lakwa ke ditumo tšela tša lena tša mola le sešo la tseba selo ka Modimo.

1 PETROSE 1:14NSO00Bula go Mmadi wa Bibele

DOITERONOMIO 28

Ditšhegofatšo tša go phetha melao ya Modimo

1“Ge le ka tloga le theetša Morena Modimo wa lena mme la botegela go phetha ditaelo ka moka tša gagwe tše ke le fago tšona lehono, o tla dira gore le fete ditšhaba tšohle tša lefase ka maatla. 2Le theetše Morena Modimo wa lena, gomme ditšhegofatšo tše ka moka e tla ba tša lena, tša le aparela:

3“Morena o tla le šegofatša ge le le metseng ya lena le mašemong a lena.

4“Morena o tla le šegofatša ka bana ba bantši, ka dibjalo tše ntšintši, le ka dikgomo le dihuswane tše ntši.

5“Morena o tla šegofatša dišego tša lena le dinkgwa tša le di apeago.

6“Morena o tla šegofatša tšohle tše le di dirago.

7“Morena o tla dira gore le fenye manaba ge a le hlasela. Ba tla le hlasela ba etšwa ka thoko e tee, eupša ge ba le tšhaba ba tla phatlalalela mathokong ohle.

8“Morena Modimo wa lena o tla šegofatša mediro ya lena mme a tlatša dišego tša lena ka mabele. O tla le šegofatša nageng ye a le fago yona.

9“Ge le ka theeletša Morena Modimo wa lena mme la dira tšohle tše a le laelago tšona, o tla le dira setšhaba se sekgethwa sa gagwe, bjalo ka ge a le enetše. 10Ke moo ditšhaba ka moka lefaseng di tlago bona gore Morena o le dirile setšhaba sa gagwe, mme di tla le boifa. 11Morena o tla le fa bana ba bantši, diruiwa tše ntši, le dibjalo tše ntši nageng ye a e enetšego borakgolokhukhu ba lena. 12O tla neša pula lebakeng la yona e etšwa polokelong ye kgolo kua legodimong, a šegofatša mešomo ya lena ka moka, gore le kgone go adima ditšhaba tše ntši, mme lena le se ke la adingwa selo go tšona. 13Morena Modimo wa lena o tla dira setšhaba sa lena ketapele gare ga ditšhaba, e sego balatedi; le tla atlega ka mehla mme le ka se tsoge le šitilwe ke selo, ge le ka botegela go phetha ditaelo tša gagwe ka moka tše ke le fago tšona lehono mme la di latela. 14Fela le se ke la tsoga le di tshetše ka mokgwa wo mongwenyana, goba la khunamela medimo ye mengwe la e direla.”

DOITERONOMIO 28:1-14NSO00Bula go Mmadi wa Bibele

JOHANESE 14

Barutiwa ba holofetšwa Moya wo Mokgethwa

15“Ge le nthata, le tla phetha melao ya ka.

JOHANESE 14:15NSO00Bula go Mmadi wa Bibele

JOHANESE 14

21“Yo a amogelago melao ya ka mme a e phetha, ke yena yo a nthatago. Gomme yo a nthatago ke yena yo a tlago ratwa ke Tate. Le nna ke tla mo rata, ka ikutollela yena.”

JOHANESE 14:21NSO00Bula go Mmadi wa Bibele

Pesalome 66

18Ge nkabe ke be ke kgahlwa ke go nagana bokgopo,

Mong wa ka a ka be a ile a se ntheeletše.

Pesalome 66:18NSO00Bula go Mmadi wa Bibele

“Ka ge le le ba ba theeletšago, le se dumele go lakwa ke ditumo tšela tša lena tša mola le sešo la tseba selo ka Modimo.” 1 Petrose 1:14

Go obamela go botse. E ka ba go bonwa go phetolo ya mpša go mong wa yona, ngwana go batswadi ba gagwe, mošomedi go molaodi wa gagwe, goba ledimo le maphoto a Lewatle la Galilea go Jesu, go tsoša boikarabelo bjo bobotse, ka gobane go obamela go tliša khutšo le boiketlo. Go se obamele go tliša thulano le go re tšeela khutšo.

Go obamela go na le maatla. Go ka fetoša bophelo bja motho le go tliša kwešišo, kgolo le kgotsofalo. Se ke ka gobane go obamela go hlahlwa ke Modimo gomme ke seo a se nyakago go bana ba gagwe gore ba phele gabotse. Go na le moputso o mogolo. Batswadi gantši ba putsa bana ba bona bao ba obamelago gomme beng ba diphoofolo tša ka gae ba putsa diphoofolo tša bona tša ka gae, eupša ke meputso ya Modimo ye a nago le maatla. Go Doiteronomio 28:1-14, Modimo o holofetša ditšhegofatšo tše ntši go bao ba mo obamelago, go akaretša kholofetšo ya go ba dira “ketapele, e se molatedi” (Doiteronomio 28:13). Le ge go le bjalo, tšhegofatšo e kgolo ke go tseba gore Modimo o nyaka go ba le tswalano le wena.

Le ge go le bjalo, go obamela gantši ke kgopolo ye e tlwalegilego. Gantši e bonwa bjalo ka morwalo wo o tšeago ditokelo tša rena le go fediša lethabo la rena, eupša nneteng, go hlokomologa ditaelo tša Modimo ge e le gabotse go re tlišetša masetlapelo le dikgohlano. Adamo le Efa ba forilwe ke diabolose ka Serapeng sa Edene; ba utametše Modimo gomme le rena re dira bjalo. Se se palediša kgolo ya rena go kgaugelo. Petrose o bolela le bao ba kgethilwego go “hlompha Jesu Kriste” (1 Petrose 1:2).

Jesu o re botša gabotse go Johanese 14:15,21: “Ge le nthata, le tla phetha melao ya ka. Yo a amogelago melao ya ka mme a e phetha, ke yena yo a nthatago. Gomme yo a nthatago ke yena yo a tlago ratwa ke Tate. Le nna ke tla mo rata, ka ikutollela yena.”

Go obamela go re batametša kgauswi le pelo ya Jesu, eupša go se obamele go tswalela tsela le go re palediša go rapela. Mopesalome o re, “Ge nkabe ke be ke kgahlwa ke go nagana bokgopo, Mong wa ka a ka be a ile a se ntheeletše.” (Pesalome 66:18)

Ke eng boitemogelo bja gago? O kwa o ka re Modimo o araba dithapelo tša gago? O ikarabela gabotse ge o ekwa “lentšu la tlasana” la Modimo goba go mo kwa a go tutuetša go dira se sengwe? O akgofela go obamela goba go akgofela go nagana ka selo se sengwe, goba wa sokologa gomme wa robala gape? O leka go diriša lengwalo? O leka go diriša dilo tše o tsebago gore di fošagetše? Go obamela Modimo go botse, go na le maatla gape go a mo hlompha.

Phefo le maphoto a obametše Jesu, le rena re swanetše go dira bjalo.

Bible Society of South Africav.4.24.4
RE HWETŠE GO