Dira phapano – Letšatši la 7

Ka gona, phafogang le be le boitshwaro, le dule le letetše ka mafolofolo mpho ya phološo ye le tlago e fiwa mohla Jesu Kriste a etla. 1 Petrose 1:13

E sa le wa ba boemong moo o nyakilego go dira phapano ka go ba khuetšo e botse, eupša o inyamišitše le ka thušo ya gago? Ke dirile, makga a mantši, gomme ka ipotšiša ge e ba ke nnoši go se.

Ge ke lebelela morago go nako e itšego yeo e nnyamišitšego, ke lemogile gore ga ke a nagana kudu ka tema ya ka go yona, le ge ke rapetše ka yona le go dira ka go ithaopa ka tumelo. Ka dinako tše dingwe, go gongwe magareng ga go rapela le go dira, re šitišwa ke dilo tše dingwe gomme re lahlegelwa ke tsepelelo ya rena, gomme ka yona, go itshwara ga rena.

Morago bjale, ge ke be ke bogetše papadi ya rakpi, ke bone bohlatse bja tlhoko ya nnete bja menagano ye e lokišitšwego gabotse le boitshwaro. Tlhakatlhakano le go se be le tsepelelo go bonagetše go dira sehlopha sa rena go lahlegelwa ke menyetla ye bohlokwa ya go dira phapano go papadi yeo.

Nnete ke gore re swanetše go neela diphesente tše 100 ge re nyaka go dira phapano gomme go thoma ka monaganong wa gago. Ka mo go sa makatšego, Petrose o tutuetša Bakriste go “phafoga le be le boitshwaro, le dule le letetše ka mafolofolo mpho ya phološo ye le tlago e fiwa”. O a tseba gore le ge Modimo a matlafaditše bana ba gagwe go atlega go ditlhohlo tša lefase le, tlhahlo e šomago e bohlokwa, ka gobane “Sathane, lenaba la lena, o phaphaila bjalo ka tau ye e bopago, o nyaka yo a ka mo rwaetšago” (1 Petrose 5:8).

Re hloka go kgopela Morena go re thuša go tlhahlo ye e hlokomologilego ya monagano. Se se tla re kgontšha go matlafatša boitshwaro bja rena. Re swanetše go amogela mafokodi a rena go Tatewešo wa magodimong le go ema re tia kgahlanong le ditlhaselo tša diabolose. Go šomiša monagano, go ba le boitshwaro le go tsepelela go kholofelo ya rena go tefo ye e lego kua pele go bohlokwa go lokišeng dipoelo.

Jesu o dirile phapano bophelong bja rena: o robile diketane tše di bego di re swere; o re lokolotše sebeng le go re ntšha leswiswing go ya seetšeng se makatšago. O re file, bjalo ka balatedi ba gagwe, ditaelo tša go dira ka mo go swango. Jesu o nyaka gore re be letswai le seetša lefaseng (Mateu 5:13-14) gomme o nyaka gore re ye “go ba ditšhaba tšohle, le ba dire barutiwa ba ka: le ba kolobetše ka leina la Tate, le la Morwa, le la Moya wo Mokgethwa, re ba rute go phetha tšohle tše ke le laetšego tšona.” (Mateu 28:19-20)

O tla dira seo?