Dira phapano – Letšatši la 6

Gape le a mo rata, le ge le se la ka la mmona, ebile le dumela go yena, le ge bjale le sa mmone. Ka gona le thaba ka lethabo le legologolo leo motho a sa kgonego go le hlaloša, ge le fihlela nepo ya tumelo ya lena, e lego go phološwa ga lena. 1 Petrose 1:8-9

E sa le wa rata motho yo o sa kopanago le yena pele? Batho ba bantši ba re ba rata dinaletšana tša dipapadi, batsebalegi le ba ka bogošing, bjalo ka Mme Teresa, Kgošigatšana Diana and Hansie Cronje, eupša mohlomongwe “lerato” ke tlhompho ye e tseneletšego yeo motho a ikwago ka tirišanao le ba bangwe. Re ka, mohlomongwe, dumela gore bomme bao ba ithwelego ka nnete ba rata bana ba bona ba sa le ka popelong, le go ba rata bophelong bja bona ka moka, eupša re tseba gape gore bomme ba bangwe ba bolaya bana ba bona ka go ntšha mpa.

Ka nnete Petrose o bile le temogo ye e makatšago, ka Moya wo Mokgethwa, ka nnete ya boemo bja Bakriste bao ba ratilego Jesu le ge ba se ba mmona, gomme ga bjale re a hlomarwa ka lebaka la gagwe. Petrose o be a tseba Jesu ka sebele ka morago ga go phela le go šoma le yena mengwaga ye meraro, le go tseba gore o be a mo rata. Petrose o ile a latola Jesu nakong yeo le go tseba lethabo la tebalelo ya Jesu. O be a le gona ge Jesu a bapolwa sefapanong le go mmona gape ka morago ga tsogo. Temaneng ya ka godimo, o hlohleletša Bakriste bao ba sa bonago Jesu ka sebele.

Naa o ka amatšhwa le temana ye?

Ke a tseba gore ge ke e bala la mathomo, go bile o ka re motho yo a ntsebago gabotse o bone ka pelong ya ka gomme a hlaloša phetolo ya ka go Jesu, Morena le Mophološi wa ka. E nthabišitše kudu gomme temana yeo e sa nthabiša lehono!

Mohlomongwe, ge nkabe ke ile ka nagana gabotse “… ka gobane o amogela tebanyo ya tumelo ya gago, phološo ya meoya ya lena”, nkabe ke kwešišitše gabotse temogo ye ya go makatša. Se sebotse ke gore go tla go Kriste ke boitemogelo bja semeetseng bja bogona bja Jesu maphelong a rena – tshepetšo ya phološo ya rena e thoma ga bjale, lefaseng! Jesu o šegofatša ka mo re ka bonago ka bophelo bjo bo feletšego (Johanese 10:10) le go fetoša ka fao re bonago tšohle! Re tseba mo re yago gona le seo a re holofeditšego sona. Jakobose o re, “Wa lehlogonolo ke yo a kgonago go kgotlelela ge a lekwa, gobane ge a ile a fenya meleko yeo o tla putswa ka bophelo bjo Modimo a bo holofeditšego bao ba mo ratago.” (Jakobose 1:12)

Go na le batho ba bantši bao ba sa tsebego Jesu ka sebele gomme ba lahlegelwa ke lethabo, kholofelo le mpho ye kgolo ya bophelo. O ka dira eng go dira phapano go bona?