Dira phapano – Letšatši la 3

Ka lebaka la lešoko la gagwe le legolo o re tswetše ka bofsa ka go tsoša Jesu Kriste bahung. Se se re dira gore re dule re letetše bohwa bjo le lena Modimo a le beetšego bjona legodimong. 1 Petrose 1:3-4

Kholofelo e na le maatla a magolo ka gare ga motho yo mongwe le yo mongwe. Ke boikwelo bja maatla bjo bo re amago ka moka. Boemong bjo bo sa felelago, e ka bonwa bjalo ka boikwelo bja tebelelo ye e nago le kholofelo ye e amanago le dilo bjalo ka boso, sephethephethe, go feleletša mošomo goba kopano le mogwera go yo nwa kofi. Eupša boemong bjo bo tseneletšego, ke maatla a kago go rwala dinakong tše thata. E go thuša go tšwela pele gaešita le ge dilo ka moka di goeletša gore “ineele”.

Petrose o bolela ka “kholofelo ye e phela ka tsogo ya Jesu bahung”. Go mabapi le yo tatago e lego yena. Tatago wa lefaseng ke yo mongwe wa batho ba bohlokwa bophelong bja gago gomme o hwetša dilo tše ntši go yena, eupša ka manyami, dilo ka moka ka yena ga se tša go ya go ile, ka gona, di lakanyeditšwe. Se o se hwetšago go yena ga se sa go ya go ile gomme se ka no se go tlišetše lethabo ka mehla.

Ge Modimo e le Tatago, ge go le bjalo, ka tabalelo ya dibe tša gago ka boikgafo bja Jesu sefapanong go rena ka moka, maemo a gago a fetogile go ya go ile ge bophelo bja gago bo fetošwa. Lefa la gago ga le sa kgomega goba le le lekanyeditšwego – ke le kgethegilego gomme “le ka se bole, go senyega goba go galoga”. Se kaonekaone le ge go le bjalo, le bolokelwa wena legodimong. Maemo a gago ao a fetogilego a go nea maatla a go dira phapano lefaseng le le go fihlelela bao ba se nago le kholofelo ye e phelago.

Batho mo gohle ba hloka kholofelo ye e phelago, batho ba ba go hlokago gore o dire phapano. Diema e re botša gore: “Seletelwa se se sa phethagalego se a nyamiša, senyakwa se motho a se hwetšago sona se a thabiša” (Diema 13:12). Ge motho a lahlegelwa ke kholofelo, ka gobane senyakwa ga se phethagale, o a nyama gomme o lahlegelwa ke lethabo la gagwe la go phela; eupša ge se phethagala, o a fetošwa, a ema a tia gomme a ba le maatla.

Naa e sa le wa bona seabe sa kholofelo se tlišwa go balekani bao lenyalo a bona le phuhlamgo; goba mosadi a palela go ima; goba motho a letile dipoelo ge go na le kgonagalo ya bolwetši bjo bo tšhošetšago bophelo; goba mme yo a tšhabago ka maoto nageng ya gabo ye e nago le ntwa le bana ba gagwe; goba monna a nyakela dijo ka gare ga pini ya ditšhila? Re hloka go dira phapano.

O tla dira phapano?