Dira phapano – Letšatši la 2
O kgethilwe go dira phapano
(Di)temana ya Bibele
2 SAMUELE 16
Le kgethilwe go ya ka mo Modimo Tate a beakantšego ka gona, gomme Moya wa gagwe wa le dira ba bakgethwa gore le tle le hlomphe Jesu Kriste gomme le fokwe ka madi a gagwe. Nke le okeletšwe kgaugelo le khutšo. 1 Petrose 1:2
Naa ga o rate go kgethwa goba go hlaolwa go mošomo? Motho yo mongwe o lemogile dikhwaliti tša gago tše botse gomme o na le maswanedi a dinyakwa tša mošomo woo. O na le monyetla wa go tšea tlhohlo le go šomiša ditalente tša gago tše o di filwego ke Modimo ka mo go feletšego.
Ga go na taba ge e ba o kgethilwe go sehlopha le go kgethwa go mošomo, ke nwakana ya go kgahliša kudu le go makatša; eupša ge Modimo e le yena yo a kgethago, go feta dilo ka moka! Se ke ka gobane o kgetha go tšwa boemong bja tsebo ye e feletšego le taolo. Petrose o kwešiša se gomme o rapelela tšhegofatšo ya kgaugelo go bao Modimo a ba kgethilego, bašele lefaseng, ka lebaka la ditekanyetšo tša go fapafapana tša Modimo.
Ke rata go bala kanegelo ya Samuele a kgetha Dafida bjalo ka kgoši e mpsha, go tšea taolo go tšwa go Saulo. Yo mongwe le yo mongwe wa barwa ba Isai yo a bonagatšego a na le dikhwaliti tša maleba o gomišitšwe, gomme Isai o be a sa nagane ka Dafida bjalo ka kgetho. Eupša, Modimo o kgethile Dafida. O tsebile gore Dafida o be a loketše go ba kgoši. Taelo ya gagwe go Samuele e bile: “O se ke wa šetša seemo sa gagwe goba botelele bja gagwe … ka gobane ga ke lebelele se se lebelelwago ke motho. Motho o lebelela sebopego, eupša nna ke lebelela pelo” (1 Samuele 16:7). Ge Dafida a tlišwa pele ga Samuele, o tsebile gore ke yena yo a kgethilwego ke Modimo.
Se ke se temana ya lehono e lego mabapi le sona: go kgethwa go dira phapano. Pele ga nako, Modimo o tsebile dipelo tša rena le go tseba gore ke mang a tlago araba. Yo a lebelelago pelo go dikhwaliti tše motho fela a ka di bonago, o re kgethile gomme o tla re kgontšha mošomong wa go dira phapano re direla yena bophelong bja rena lefaseng. Re ka se be ba ba lokilego bjalo ka batho ba ba dirago dibe, eupša ge Moya wo Mokgethwa a sepela ka gare go rena le go re hlahla go bolela dibe tša rena go Jesu, o re dira bao ba amogelegilego go yena le go re fetoša; o a re phološa ka lehu la gagwe le tsogo. Re ka se dire phapano pele seo se direga.
Re ema kae?
