Dira phapano – Letšatši la 19

Bjale ge, tlogelang bobe bjohle le maaka ohle le boikaketši bjohle le mona wohle le lesebo lohle. 1 Petrose 2:1

Petrose o tsenya molaetšeng wa gagwe “bjale ge”, lentšu le le tlišago go dira, go oketša tutuetšo go se a šetšego a se boletše mabapi le seabe sa lentšu maphelong a babadi ba gagwe.

O lokile gakaakang? Ge e ba letšatši le letšatši o be o tla ngwala fase, ka pukung, dikgopolo tša gago, mantšu le ditiro tšeo e bego e le tša lehloyo, bofora, boikaketši, mona le lesebo, o be o tla hwetša eng ka bowena?

Petrose o thoma ka lehloyo, leganetši la lerato, leo e lego go se loke go bonwa bathong go ya go ba bangwe, leo gantši le ba gobatšago. Ge re e ba le lehloyo, re nagana gampe ka ba bangwe; re a ba belaela, le go ba dira dilo tše mpe, tše kgopo goba gaešita tše mpe. Bosenyi bjofe goba bjofe bo wela legorong le, eupša gape le motho yo, a sa rumolwago, ka boomo a hloya yo mongwe, goba o bolela se se sa lokago ka yo mongwe goba se sebe go mo kweša bohloko le go mmona a le boemong bja tlase go yena. Boemong bja motho le gaešita boemong bja bosetšhaba, lehloyo le ka ba mathomo a mehuta ya go fapafapana ya go hloka toka gaešita le go baka lehloyo, go se iketle le ntwa.

Go rarolla bothata go swanetše go thome boemong bja tlase. Diema e re, “Mmipadibetšagagwe a ka se atlege; yo a ipolelago tšona a ba a di tlogela, yena Modimo o tla mo gaugela.” (Diema 28:13)

Ge re bulela maphelo a rena ka nnete go khuetšo ya Moya wo Mokgethwa, o tla re thuša go kwešiša lentšu, a fetoša tsela ya rena ya go bona dilo le go re fetoša semoyeng le maitshwarong go tšwa ka gare go ya ka ntle. O tla bea pepeneneng ditiro tša rena tše di lego kgahlanong le melao ya gagwe ya motheo, gammogo le dilo tše bohlokwahlokwa maphelong a rena. Go lokolla maphelo a rena go dilo tše go re kgontšha go ineela go yena a nnoši le go mo hlankela ka lethabo.

Jakobose 1:22 e re, “Le se iphore ka go theeletša fela Ebangedi, eupša le dire ka mo e laelago ka gona.” Ke ka fao re ithutago go dira thato gagwe le go gola semoyeng. Ka gona, re swanetše go amogela dibe tša rena le go lahla thato ya rena. Ge Jesu a re botša go swara ba bangwe ka mo re ratago go ka swarawa ka gona, re tloša lehloyo dipelong tša rena, gomme, go ya go ile ka morago ga fao, re leka maikemišetšo a rena boemong bjo bongwe le bjo bongwe bjo re ikhwetšago ka gare go bjona.

A re lateleng ditaelo tša Petrose tšeo di sa tšeego lehlakore. Modimo a go šegofatše.