Dira phapano – Letšatši la 18

Lentšu le ke yona Taba ye Botse ye le e begetšwego. 1 Petrose 1:25

Pesalome ye telele ka Bibeleng ke ye e swanetšego go bala ke motho ofe goba ofe yo a ikemišeditšego go ithuta ka meputso ya lentšu la Modimo. E a bolelwa mo go nyakilego go e ba go temana ye nngwe le ye nngwe. Pesalome ye gape e na le temana ye e ratwago kudu, “Lentšu la gago ke lebone la go ntlhahla, ke seetša tseleng ya ka” (Pesalome 119:105), yeo e kgothaditšego batho ba bantši mengwageng ka moka, ge ba be ba nyaka tlhahlo.

Re šegofetše ge lentšu la Modimo la go ya go ile la nnete le begilwe go rena. Le tliša seetša maphelong a rena gomme ka mehla re tla hwetša tsela.

Paulose o lemoga gore lentšu le tliša bophelo gomme o re, “Molaetša wa Kriste o dule ka dipelong tša lena o feletše. Le rutaneng, le eletšaneng ka bohlale bjohle. Le opeleleng Modimo dipesalome le difela le dikopelo tša semoya ka dipelo tša lena le mo leboga.” (Bakolose 3:16)

Se a se bolelago, ge e le gabotse, ke gore re swanetše go ba lefelong le maatla le go tseba Mangwalo gabotse, gore a kgone go huetša mokgwa wa rena wa go lebelela karolo ye nngwe le ye nngwe ya bophelo. Gaešita le go tumišeng, dikopelo tše di tletšego ka mangwalo di swanetše go šomišwa, gore di tliše lethabo, tsepelo e le go dikholofetšo tše botse le dinnete tša lentšu le le phelago.

Re hloka go fetša nako le Morena le go mo dumelela gore a bolele le rena ge re bala Mangwalo. Ke eng bohlokwa bja go ba le bohlale bjo bo phethagetšego bja Modimo bjo bo tswaletšwego, bo beilwe šelefong? Modimo o re bopile le go re nea melao ya motheo molaong wa gagwe wo re e hlokago go phela bophelo, dinakong tše mpe le tše botse. Melao ya gagwe ya motheo ga e lahlegelwe ke bohlale bja yona, ka gobane yena a nnoši o tseba tšohle – selo sefe goba sefe se sengwe ga se a fela. Re a lahlegelwa ge re sa ithute yona le go e šomiša maphelong a rena. “Lentšu la Modimo le a phela, le mafolofolo ebile le bogale go feta tšhoša ya magale a mabedi. Le sega go hlaphola la ba la kgaoganya pelo le moya, la kgaoganya le malokologo le moko.” (Baheberu 4:12)

Modimo o a botega, ka gona, re ka rutana le go kgalana ka gobane re šomiša ditekanyetšo tša Modimo gomme Moya o tla utolla nnete.

Ka gare ga mathata goba o belaela, o nyaka dikarabo go tšwa go dipono tše di sa tsebjego tša methopo ye šele, goba go kitimela go baeletši, balapa le bagwera go hwetša dikeletšo, pele o kgopela keletšo go lentšu la Modimo, go swana le go ithuntšha leotong. Re a gateletšega, re hlakahlakanya maphelo a rena, re hlokomologa go fetša nako le yena gomme e se kgale re ikhwetša re dumelela maaka a diabolose go šwahlela temogo ya rena ka dimediya tša go fapafapana; le ge go le bjalo, lentšu la gagwe le kgauswi.

Naa o dumelela lentšu la Modimo go dira phapano bophelong bja gago?