Dira phapano – Letšatši la 21

Le etše masea a a sa tšogo belegwa, le nyorelwe maswi a semoya a a sego a talošwa, gore ge le a nwa le gole mme le phološwe. Gobane le itemogetše gore Morena ke yo botho. 1 Petrose 2:2-3

Go sa šetšwe gore o tšwa nageng efe, go ba le kgonagalo ya go ba le dijo tša setšo tše di amantšhwago le yona. Batho ba hwetša go thabiša go hlokola ditatso tše monate, nako le nako, le go lebelela pele go etela dinaga tše itešego go pishina ka boitemogelo bja kgonthe bja dijo. Selo sa go kgahliša ke gore, go ralala le lefase, masea a thoma bophelo ka dijo tše swango – lebese – gomme ga go motho yo a ka naganago ka go ba nea selai sa pitsa, goba kheri le reisi!

Lebaka la se le bonolo: gore o gole o atlege, go bohlokwa go ba le se o se nyakago boemong bja bophelo. Le ge masea a se na meno gomme ditshepedišo tša ka mpeng di se tša tia, a tseba gore ba lapile le gore ba nyaka dijo tše ntši, tšeo maswi a mme ka mohlolo a di abago.

Go na le selo sa mohlolo ka masea go tloga mathomong: go ima ke mohlolo, kgolo ya lesea ka gare ga popelo ya mmago lona go tloga ka nako ya sele e nnyane; nakwana ya go makatša ya pelego, ge a thoma go hema la pele, gomme a lla kudu gomme le bewa letsweleng la mmago lona. Go na le tše ntši tše lesea le le di dirago ka tlhago tšeo di le kgontšhago gore le phele le go gola, go kimollo ye kgolo ya batswadi bao ba se nago boitemogelo! Lesea le tlo tsoga kgafetšakgafetša goba go llela dijo, gomme le ka se robale gape go fihlela le kgotsofetše; gomme ka maswi a mme fela, o tla bona le gola pele ga gago.

Petrose, ka gona, o šomiša tshwantšhišo go hlohleletša babadi ba gagwe go gola. Ba itemogetše ka bobona boloki bja Morena le mohlolo wa pelego ye mpsha. Bjale o nyaka go netefatša gore ba na le melao ya motheo ya maleba, gore ba gole ka mo go tseneletšego go boitemogelo bja bona, ba atlege tumelong ya bona le go fihlelela phološo. “Sa lena a e fele e eba go maatlafatšwa ke dimpho tša Morena le Mophološi wa rena, Jesu Kriste … ” (2 Petrose 3:18). Ka gona onyaka gore ba kganyoge – ba hlologele – dijo tša maleba ka dinako tša maleba. Bjalo ka lesea, ba nyaka gore ba fiwe dijo kgafetšakgafetša – gatee ka beke go tla ba kotsi, ka ge go tla ba bolaya ka tlala!

“Ekwang nna mme le phethe tše ke le botšago tšona, ke mo le tlago ipshina ka dijo tše dibosebose.” (Jesaya 55:2b)

Ke ka lebaka la eng le kganyoga seo se sa le lokelago gomme se ka se le kgotsofatše, gomme ka go nanya se tla dira gore le fokole le gore le bolawe ke tlala?