Dikholofetšo tše botse tša Modimo – Letšatši la 7
Phafogela dikholofetšo tša maaka
(Di)temana ya Bibele
2 TIMOTHEOSE 3
Ga go selo se se nyamišago go feta tumelo ya rena le ditekanyetšo di tšeelwa fase ka go dumela dikholofetšo tša maaka tša baradia.
Bibele e re lemoša ka kotsi ya go forwa: “Le phafoge, le ntšhe mahlo dinameng, gobane Sathane, lenaba la lena, o phaphaila bjalo ka tau ye e bopago, o nyaka yo a ka mo rwaetšago” (1 Petrose 5:8).
Diabolose ga se a ke a dikadike go lebeletšana le go hlohla Jesu yo mohlomongwe a bego a ekwa tlala le go fokola mmeleng morago ga go itima dijo matšatši a 40 leganateng: “Ge o le Morwa wa Modimo, laela maswika a gore a fetoge bogobe” (Mateu 4:3). Jesu a fetola ka gore motho ga a phele ka bogobe fela.
Diabolose a tše Jesu a mo iša ntlhohlong ya tempele, gomme ka go tsopola go tšwa go Pesalome 91:11-12, a hlohla Jesu gore a hlatsetše gore o tšwa go Modimo ka gore a itahlele fase. Jesu a fetola ka gore: “Le gona Mangwalo a Makgethwa a re: ‘O se ke wa leka Morena Modimo wa gago.’ ”
Diabolose a tšea Jesu gape a mo iša thabeng ye teleletelele, a mo laetša dinaga ka moka tša lefase le mahumo a tšona. Gomme gwa tla kholofetšo ya maaka “Tše ka moka ke tla go fa tšona.” Gomme taelo – “ge o ka wa ka matolo wa nkhunamela” (Mateu 4:9).
Jesu a di gana ka moka. A nea diabolose boipobolo bjo bo kopana: “Sathane, ntlogele, gobane Mangwalo a Makgethwa a re: ‘O khunamele Morena Modimo wa gago, o direle yena a nnoši!’ ”
Re ka thibela bjang diabolose le bobe bjo bo tlišitšwego lefaseng?
Re ema go kholofetšo ya lentšu la Modimo ya gore re lwe le diabolose gomme yena o tla re tšhaba. Rapela go Modimo gore re na le maatla a semelo go ka dira bjalo.
