Dikholofetšo tše botse tša Modimo – Letšatši la 11

Temana ya rena ya lehono e na le taelo ya lentšu le tee fela gomme temana ka moka ke kholofetšo ye e netafaditšwego ke Modimo.

“Nea” ke lentšu le le šomišwago goba go bolelwa go kgopelo ye nngwe le ye nngwe ya ditšhelete. Go ka baka phetolo ye botse goba go bonwa bjalo ka boiteko bja go kgodiša banei ba ditšhelete bao ba lapišitšwego ke dikgopelo tša ditšhelete.

Go bohlokwa ge o bala Bibele go se bale go lengwalo seo se sego fao. Morena wa rena ga a hlaloše gore motho o swanetše go neela tšhelete. O re fela “nea”. Mokriste yo mongwe le yo mongwe o na le seo a kago abela ba bangwe.

Ge Modimo a go šegofaditše ka lehumo gomme o nyaka go abela ba bangwe – seo ke selo se sebotse. Lega go le bjalo, go na le ditsela tše dingwe tše ntši tše o ka fago go letago la Modimo.

Kuranta ya Cape Town nakong ye e fitilego e ngwetše ka motšofadi wa mengwaga ye 83. Go tšwa go mathudi a flete ya gagwe lebatong la boselela la legae la batšofadi, o lemogile ka fao batho ba se nago magae ba hlophegago ka gona letšatši le letšatši go ka hlapa gabotse. A nagana ka tsela ya go ba thuša.

A kgoboketša mašaledi a disepe tša go hlapa go tšwa go badudi-ka-yena bao ba ka bego ba di lahlile, a šomiša motšhene wa gagwe wa go thuba dijo go tšweletša sesepe sa meetse. Meetse a o a tšhela ka gare ga mapotlelo a maswi a dimilimithara tše 500, a ngwala lepotlelo le lengwe le le lengwe ka bothaga pele a ka a neela batho ba se nago magae.

Moneelo wa gagwe ga a o dira gatee fela. O na le ngwaga a thuša batho ba go se be le magae ka tsela ye gomme ga bjale o thuša bana baba hlokago.

Morena wa rena o re kgopela gore re nee gomme go neela fao ga go a swanela go lekanyetšwa go neeleng fela ka materiale. Go dikologa ka moka ga rena go na le bao ba hlokago lerato, tlhokomelo, tumišo, tlhohleletšo, tutuetšo le kholofelo. Ke dilo tše ntši.

Eupša sefe goba sefe se rena, ka ditekanyetšo tša rena tša batho, re neelago ka sona, Modimo o holofetša gore o tlo re fa tše ntši. Re na le Tate wa go loka.