Dikholofetšo tše botse tša Modimo – Letšatši la 10

Go ba Mokritse ga go netefatše go phela bophelo bja go se be le mathata. Re hloka ke go leta seo nakwana. Le ge matshwenyego a rena a ka re bakela mathata, ga a bohlokwa ge a bapetšwa le lethabo le le re letetšego ka go sa felego.

Jesu ka noši o re hlohleletša go se tshwenyege: “Le se ferekane; le dumele go Modimo, le nna le dumele go nna” (Johanese 14:1).

Morena wa rena o re fa keletšo e botse eupša ga se keletšo ye dipelo tša rena tše tšhogago di hwetšago e le bonolo go e latela. Gantši re rolela merwalo ya rena go Morena ka thapelo, gomme ka poifo le dipelaelo re e tšea gape gomme ra thoma go tshwenyega ka dilo tše swanago gape.

Re hloka go lemoga gore mathata afe goba afe le matshwenyego a re ka bago le wona, go na le batho ba bangwe bao ba nago le a go feta a rena. Hellen Keller o bolela gabotse: “Ke ile ka lla ka gobane ke se na dieta go fihlela ke kopana le monna yo a se nago leoto.”

Batho ba bantši ba ikhwetša ba le boemong bjo ba palelago ke go tšea sephetho ntle le lebaka la go kwagala. Se ke se se diregilego go seboko kua Alice kua Wonderland.

“O kgotsofetše bjale?” gwa realo seboko.

“Ke rata go ba yo mo teletšana, morena, ge o se na bothata,” gwa realo Alice, “disentimithara tše tharo ke bogodimo bjo kwešago bohloko go ka ba go bjona.”

“Ke bogodimo bjo bobotse e le ruri!” gwa realo seboko ka pefelo, se ikotlollela godimo ge se bolela. (Bogodimo bja sona ke disentimithara tše tharo twii.)

Se ke se se diregago bophelong. Re ba le lehloyo ge re tshwenyega ka dilo tša materiale gomme ga go selo se se re befedišago go feta ge batho ba nagana goba go ipona ba bakaone. Pelo tša rena di tlala ka lehloyo gomme kopanelo efe goba efe le bona ga e monate.

Ke phošo e kgolo, ga re a swanela g itumelela go ka šitišwa ke matshwenyego a dilo tša materiale goba go kgopišwa ke batho.

Re rekilwe ka theko ya godimo kudu gomme re ba babotse mahlong a Modimo. O tla re thuša ka mathata a rena le go fihlelela dinyakwa tša rena ka moka.