Dikenywa tša Moya – Letšatši la 21

Dikenywa tša Moya tšona ke lerato, le lethabo, le khutšo, le bopelotelele, le botho, le go loka, le potego, le boleta, le boitshwaro. Bagalata 5:22-23a

“Le mpotegele, le ge e le gore seo se ka le iša lehung, gomme ke tla le putsa ka bophelo bjo bo sa felego.” Kutollo 2:10b

Ditswalano ka moka tše botse di agilwe go motheo wa potego. Lenyalo le le botse le theilwe kudu go potego ya monna le mosadi. Segwera se sebotse ke sa bagwera ba nnete ba potego. Ditswalano tše botse tša mošomo di ba gona ge bašomi-gotee ba tshephega. Potego gape e bohlokwa tswalanong ya rena le Modimo.

Gantši re bolela ka potego ya Modimo. Ge re bona molalatladi, re a gopotšwa gore o a botega le gore o phethagatša dikholofetšo tša gagwe. Go thweng ka potego ya rena? Ka ntle le temana ya rena ya letšatši go Kutollo, go na le ditemana tše ntši kudu tše di re hlohlago gore re botege: 1 Bakorinte 4:1-2 e re hlohla gore re botego bodireding bja rena, Baefeso 6:21 e bolela ka go botega go hlankeleng Modimo gomme 1 Timotheose 5:9 e bolela ka go botegela manyalo a rena.

Potego, go tšwela pele go tshepha Modimo, gantši e bonwa bjalo ka selo se se tšwago go rena. Batho ba bantši ba bona potego bjalo ka lehlalošetšagotee la boikemišetšo, boitshwaro bjo ba bo hlagolelago go feta go ba setšweletšwa sa Moya wa Modimo ka gare go rena. Paulose o hlaloša gabotse gore potego ke mpho go tšwa go Moya wo Mokgethwa, ge re sokologa. Ge o amogela Moya wo Mokgethwa modimo Tate le Jesu Kriste ba tla go dula ka gare go wena, ba fetoša semelo sa gago go tloga ka gare le go lokela potego ka gare go wena.

Ke ka Moya wo Mokgethwa moo re ka bago le mohuta wa lerato, lethabo, khutšo, bopelotelele, botho le go loka tše re swanetšego go ba le tšona bjalo ka Bakriste. Ka mo go swanago, ke fela ka Moya wo Mokgethwa mo re ka bago le mohuta wa potego ye e re hlahlago go tshepha Modimo ka mo go feletšego, go mo obamela le go boela go yena ka mehla ka tshokologo, ge re palela.