Dikenywa tša Moya – Letšatši la 12
Dira ka toka, rata kgaugelo, sepela ka boikokobetšo
(Di)temana ya Bibele
MIKA 6
Na Morena a ka thabišwa ke diketekete tša dikgapa tše nka mo tlišetšago tšona, goba meelaela ya makhura a mohlware? Kgane nka mo direla sehlabelo sa tshwarelo ya dibe ka morwa wa ka wa leitšibolo, ka lefa makgopo a ka ka morwa yo ke mo tswetšego? Aowaa, Morena o boditše wena, motho, tše e lego tša go loka. Bjale ke eng se a se nyakago go wena, ge e se gore o dire tše di lokilego, o rate Modimo le batho ka mehla, le gore o phele o ikokobetša go Modimo wa gago? Mika 6:7-8
Dilo tše dingwe ga di fetoge. Bomenetša bo be bo le gona kua Juda ka ngwagakgolo wa bo-7 pele ga Kriste (BC) bjale ka ge bo le gona dinageng tše ntši lehono, go akaretša Afrika Borwa, ka ngwagakgolo wa bo-21 ngwageng wa Morena (AD). Nakong ya Mika, bontši bja baetapele ba sedumedi ba be ba dira bomenetša. Baprofeta ba bantši ba tsebagaditše melaetša ya tumelelo go bao ba bego ba lefela pipa-molomo, mola ba ahlola bao ba bego ba sa lefe pipa-molomo. Gape go be go na le kgopolo ya kakaretšo ge o sa loka ka mo go lekanego, o hlankela ba bangwe, o tla kgahla Modimo.
Ke kgopolo ye e sa lego gona lehono gomme phetolo ya Mika e a šoma bjale ka ge e šomile ka nako yeo. Modimo o bolela gabotse gore re ka se lefele dibe tša rena ka go mo nea selo se bohlokwa goba go dira pontšho e botse ya toko. Ka dinako tše dingwe se re se hlokago ke “na go go bjalo?” e bonolo e kwagalago.
Re hloka go dira ka toka – naa ke bolela nnete? Naa ke kolota motho se sengwe? Naa ke swara ba bangwe ka botho le toka? Re hloka go rata mogau – naa ke gaugela ba bangwe ge ke kgona go thuša yo mongwe? Naa ke phela ka tsela ye ba bangwe ba tlago pele gomme ke wa mafelelo? Gomme ke hloka go sepela ka boikokobetšo le Modimo – naa ke dira diphetho go ya ka fao di tlago nkhola, goba mmušo wa Modimo? Naa ke ithekgile go mediro ya ka ye mmotse gore e be bohlokwa, mola pelo ya ka e le kgole le Modimo?
Melao ya Modimo ye e sa fetogego e lokile gomme ka moka re na le boikarabelo go yona – go dira ka toka, go rata mogau le go sepela ka boikokobetšo le Modimo.
