Dikenywa tša Moya – Letšatši la 11
Boikokobetšo kgahlanong le boikgogomošo
(Di)temana ya Bibele
JAKOBOSE 4
Eupša kgaugelo ya gagwe go rena e feta lerato leo. Bjalo ka ge Mangwalo a Makgethwa a bolela: “Modimo o gana baikgogomoši, eupša baikokobetši bona o ba direla tše dibotse.” Jakobose 4:6
Go na le kanegelo mabapi le ramatswele wa go tuma, Muhammad Ali, ye e rego: Letšatši le lengwe, ge Ali a be a sa tiile, a atlegile kudu, o be a le kgauswi le go fofa ka sefofane ge mohlokomedi wa sefofane a mo gopotša gore a bofe lepanta la gagwe la tšhireletšo. A araba ka gore, “Nkgwete ga e hloke lepanta”. Mohlokomedi wa sefofane a araba, “Nkgwete ga e hloke sefofane.” Ali a bofa lepanta la gagawe la tšhireletšo.
Muhammad Ali o tsebega ka dilo tše ntši, eupša boikokobetšo o ka re ga se ye nngwe ya tšona. Le ge go le bjalo, o ka bolela gore, ke yo mongwe wa boramatswele ba go tuma kudu lefaseng; ka nnete o šometše boikgogomošo bja gagwe? Temana ya lehono go tšwa go Jakobose e fapantšha boitshwaro bjo. O tšweletša modu wa mokgwa wa lefase; ke taba ya boikgogomošo, mola bomodimo bo e tla ka boikokobetšo.
Ka mahlatse, go rena, Modimo o re nea kgaugelo e ntši. Nagana ka seo nakwana. Modimo ga a nea kgaugelo fela – o nea kagugelo e NTŠI. O re nea kgaugelo gomme a oketša ka ye nngwe. Gomme ge a šetše a okeditše kgaugelo, o oketša ka ye nngwe! Monna goba mosadi o hloka kgaugelo e kae? Go bonolo – e NTŠI!
Ka go tsopola Diema 3:34, Jakobose o bontšha ka fao re amogelago kgaugelo ye e ntši, ye e tšwelago pele ya Modimo. Kgaugelo ya gagwe ke ya baikokobetši, e se baikgogomoši. Se se kwagala gabotse ka gobane kgaugelo ke mogau wa Modimo wo o sa re swanelago, re sa o šomelago. Kgaugelo e hwetša tutuetšo ya yona le lebaka go yo a neago, e se yo a amogelago. Ke fela baikokobetši bao ba kago amogela, ka gobane ga ba na boithati bja go nyaka mabaka a gore ke ka lebaka la eng ba swanetše go ratwa le go segofatšwa. Boikokobetšo bo hlaloša go lemoga gore Modimo ga a re kolote selo le go kgopela mogau go ya le ka boloki bja Modimo, le gore yena a tagafatšwe. Boikgogomošo ke se se fapanego. Boikgogomošo ke go nagana gore Modimo o re kolota se sengwe. Ke go nyaka mogau ka gobane re nagana gore o re swanetše.
CS Lewis o beditše boikgogomošo “kankere ya semoya” ye e jago lerato le go kgotsofala. Ge re tsepelela go kgaugelo ya Modimo ye e makatšago, ga go sana lefelo la boikgogomošo.
