Bea tumelo ya gago go yena – Letšatši la 5
E ba le therešo – kudukudu ge e le mabapi le tšhelete
(Di)temana ya Bibele
2 BAKORINTE 2
Rena ga re etše ba bantši ba ba gwebago ka molaetša wa Modimo; eupša ka ge re romilwe ke Modimo re bolela re se na bomenetša mo pele ga gagwe, re le bahlanka ba Kriste. 2 Bakorinte 2:17
Basodi ba Paulose ba be ba belaela maikemišetšo a gagwe. Re šetše re bona ka fao ba belaetšego maikemišetšo a gagwe go ba etela gomme ba šišinya gore o be a swaswa ge a bolela ka yona (2 Bakorinte 1:15-18).
Bjale go bonala eka batho ba gonona mabaka a gagwe a go bega lentšu la Modimo. Naa batho ba tla tshepha seo a bego a se rera, goba o be a se dira fela go dira tšhelete bjalo ka “barekiši ba lentšu la Modimo” bao ba ka hwetšwago go toropo le ge e le efe ya Roma. Go bonagala eka o be a sa nyake go tlemaganywa le bafilosofi le bapolitiki ba mehleng ya gagwe bao ba bego ba lefiša ditšhelete tše ntši go dipolelo tša bona.
Batho ba be ba šomiša lentšu la Modimo go dira tšhelete mehleng ya Paulose bjalo ka ge ba dira mehleng ya rena. Lentšu la rena le tletše ka bahlakodi bao ba dirago se Paulose a se boletšego mo, “go rekiša lentšu la Modimo”; ba le bapatša gore ba hwetše poelo bjalo ka dikoloi, dillathekeng le tšhokolete.
Paulose o re, “Ga re bjalo.”
Go e na le moo, yena le bašomi-gotee ba gagwe e be e le “batho ba go botega”. Ba be ba sa ralale le mafelo ba bega ebangedi gore ba hume; ba kwešišitše gore ba romilwe ke Modimo le go ikarabela go Modimo.
Se se nkgopotša gore tutuetšo ga se taba ya sephiri, kudukudu mabapi le tšhelete. Ka tsela ye re šomišago tšhelete go phadima bjalo ka lebone la go šupa go potšišo ya go botega ga rena bjalo ka Bakriste. Batho ba nyaka go bona ge e ba re šomiša tšhelete go ya le ka melawana ya rena ya motheo ye e phagamego goba re tlogela melawana ya rena ya motheo ge re swanetše go dira tšhelete? Naa ga re šetše ka diakhaonto tša rena tša ditshenyagalelo? Naa re uta mogolo ka tlase ga tafola? Naa re efoga motšhelo? Naa re nyaka koketšo, khomišene le diponase gomme ga re na taba le ba bangwe? Naa re hula batho ditšhelete ge ba le maemong a thata? Naa re fetoša dikontraka gore rena re hwetše mogolo wa godimo? Potšišo ga se fela ge e ba re ka iphahlelela, eupša gape ge e ba bao re phelago le bona ba ka lemoga gore ditiro tša rena di sepelelana le ditumelo tša Bokriste. Ge go se bjalo, re a ikgoboša le go goboša leina la Kriste.
