Bea tumelo ya gago go yena – Letšatši la 11
Phatša nameng
(Di)temana ya Bibele
2 BAKORINTE 12
Fela gore ke tle ke se ikgogomoše ka tše di makatšago kudu tše ke ilego ka di utollelwa, ke ile ka kgontlhetšwa phatša nameng, phatša ye e bego e itirile moromiwa wa Sathane wa go ntlaiša gore ke fele ke ikokobetša. Ka rapela Morena gararo ke mo kgopela gore a ntlhomole phatša yeo. Yena a mphetola ka go re: “Kgaugelo ya ka e go lekane, gobane maatla a ka a tiile kudu mo go ba ba fokolago.” Ka gona ke kgahlwa kudu ke go itheta ka mafokodi a ka, gore maatla a Kriste a tle a dule mo go nna. 2 Bakorinte 12:7-9
Ga re tsebe gore phatša ya Paulose nameng e be e le eng, eupša e mo neile mathata a magolo a go se rarollege. Paulose o re o kgopetše Modimo gararo go mo fodiša. Ka polelo ya Bibele, nomoro ya boraro e hlaloša gore Paulose o rapetše go fihlela a ikwa gore a ka se sa rapela gape. Ka nako e nngwe, Paulose o kwešišitše gore moleko wo o tla ba wa gagwe wa bophelo bja gagwe ka moka.
Re a tseba gore se Paulose a bolelago ka sona mo ga se sebe. Ga a bolele ka mohuta wa boitshwaro goba dikgetho tše mpe tše re di dirago. Ga a re maatla a Kriste a phethagetšwe go dikgetho tša gagwe tše mpsha goba o tla ikgantšha ka dikgetho tša gagwe tše mpe. Mafokodi, maemo, maitemogelo le dintho tše di dirago gore re ikwe re fokola, dilo tše re ka di tlogelago ge re be re na le maatla a batho. Ka gona, di tšwa kae?
Go no swana le Jobo, Modimo o dumeletše Sathane go tlaiša mohlanka wa gagwe yo a lokilego le go fetoša tlaišego go merero ya gagwe e mmotse. Ge e ba phatša nameng ya gago ke mathata a tša maphelo, mathata a ditšhelete, goba mathata a lapa le tswalano, tše ka moka di dira gore bophelo bja letšatši le letšatsi bo tlale ka ditlhohlo. Ge bohloko le pefelo di re imela ka gare go rena, re ikwa re nwelela ka gare ga molete wa go felela ke kholofelo le pefelo. Re llela go Modimo gore a re hlakodiše, a re fodiše, gore re be ba ba phetšego gabotse. Gomme ge Modimo a re, “Aowa,” re ikwa re lahlilwe.
Eupša ka kgonthišetšo ya Modimo, Paulose o bile le kwešišo e mpsha. Morago ga go llela go Modimo, Paulose o ithutile gore Modimo o be a tlo mo dumelela go tšwela pele go phela le “phatša” ya gagwe nako yeo e sa tsebjego. Go be go tlo direga eng sa go latela? Modimo o eteletše Paulose pele go bophelo bja semoya bjo bo tseneletšego, temogo e kgolo go tlhalošo ya bophelo go feta bjo a bago a bile le bjona ka ntle le phatša. Paulose o ithutile gore kgaugelo ke e kgolo go feta phodišo, go feta kimollo, e kgolo go feta go hwetša se a se nyakilego.
Modimo o tšere bofokodi bja Paulose gomme a bo šomiša go mo maatlafatša ntweng kgahlanong le sebe le bobe. Modimo o sa šoma ka tsela yeo lehono. Kgaugelo ya gagwe e sa lekane.
