Bea tumelo ya gago go yena – Letšatši la 12

Banabešo, ke fetša ka go re le dumele. Le be baloki ka botlalo, le eletšege, le phele ka go kwana, le se ke la dula le fapana, gomme Modimo wa lerato le khutšo o tla ba le lena. 2 Bakorinte 13:11

Mantšu a Paulose a mafelelo go Bakorinte ke lentšu la khutšo. O bona go feta dikarogano kua Korinte go ya go botee bja motheo bja phuthego. Modimo o hlodile botee gomme bo gona le ge go na le diphapano, dingangišano, lehufa le dikarogano phuthegong. Bakriste ba swanetše go phela ka go kwana. Ba karolo ya lapa la Modimo gomme ba swanetše go dira ka tsela yeo, o realo.

Paulose o kgothaletša selo se tee sa mafelelo go Bakriste ba: fetošang ditsela tša lena. Ge Jesu Kriste a le ka gare go lena, le ka dira seo. Yeo ke ntlha ya gagwe. O ka se tšwele pele go phela bjalo ka mang le mang, ge Jesu a phela ka gare go wena. Le ke lona lebaka la motheo la gore ke ka lebaka la eng go swanetše go be le phapano go Bakriste. Re swanetše re be le botho, lerato, re bulege le go ba le tebalelo – re se ahlolane le go galefelana; le maphale a rena a ka sephiring a swanetše a be bjalo, gape le maphelo a rena a phatlalatša mošomong le kerekeng, goba go selo le ge e le sefe se re se dirago setšhabeng.

Histori ga e re botše gore go diregile eng go Kereke ya Korinte, ge e ba e kgonne go kwana le go obamela lentšu goba aowa. Le ge go le bjalo, Paulose o re tlogetše le bopaki bjo bobotse bja se Bokriste bo lego mabapi le sona mošomong lefaseng la ditumelo tše ntši. Re a bitšwa go tlo phela maemong a Bakorinte lehono le go lemoga gore ge Jesu a le magareng ga rena, re ka se be batho ba mohuta o swanago.

Lenyaga, ge re lebeletšane le diphapano tša kgateletšo, dingangišano le lehufa, a re direng gore go be maikemišetšo a rena a pele go tsepeletša mahlo a rena go Jesu ge re leka go ba le botho, lerato le tebalelo go bohle.