Batho ba ba amantšhwago le Matswalo a Jesu – letšatši la 7

Matšatši a 40 morago ga Matswalo a Jesu, Maria le Josefa ba ile Jerusalema tirelong ya tlhwekišo. Go be go le setlwaedi go basadi ba Baheberu go neela morwa Tempeleng le go dira sehlabelo (Lukase 2:24).

Kua Tempeleng, ba kopane le  Simeone. Go ukangwa gore e be e le mokgalabje, le ge re sa botšwe se, le Lukase le yena ga a re botše ge e ba o be a humile goba e le modiidi. Lega go le bjalo, go na le selo se tee se bohlokwa se re se tsebago ka Simeone, gomme ke gore letšatši le letšatši, ge a phela gape a bereka, o be a “letetše go homotšwa ga Baisraele” (Lukase 2:25).

“Tshedišo” fa e tšwa go lentšu la seGerike leo le kago fetolelwa bja lo ka “khomotšo”. Khomotšo, goba tshedišo, ke se gape moprofeta Jesaya a tshepišitšego bathopša bao ba lahlegetšwego ke tšohle. Khomotšo yeo Modimo a e tsebagaditšego, ka Jesaya, e akareditše tshepišo ya go boela gae le netefatšo ya gore tirelo e boima ya batho e fedišitšwe le gore dibe tša bona di lefilwe.

Ka mantšu a mangwe, Simeone, go se swane le banna ba bantši ba naga ya gabo bao kgale ba ilego ba ineela, o be a letetše Mesia.

Simeone ekete o be a sa ikemišetša go ya kerekeng letšatši leo. Modimo, lega go le bjalo, a nagana ka tsela e fapanego. Ga re tsebe se se mo šušumeditšego go ya kerekeng – pitšo go tšwa go moagišane, taletšo go tšwa go mosadi wa gagwe, tšhušumetšo ka gare ga pelo ya gagwe – eupša ka tsela e itšego Simeone o ile a dira nako gomme a ya kerekeng. Gomme ge a fihla fao, o ile a tseba gore ke ka lebaka la eng. Mesia yo a bego a mo letile nako e telele, o be a le fa.

Go leta ga se selo se re se kgonago kudu matšatšing a. Ge re letile go bonagala eka se re se dirago fela ke go ema ra phuta matsogo ra se dire selo. Go ba Mokriste go ra gore go leta – gomme go leta ka kgotlelelo. Kgotlelelo e tla le tumelo (2 Timotheose 3:10; Heberu 6:12) — tumelo ya bjale, le kholofelo go bokaboso.

A re ithute go tšwa go Simeone Krisemose ye. Modimo ga a nyake re leka go dira dilo tše ntši, re nagana kudu le go belaela, o nyaka gore re lete.