Batho ba ba amantšhwago le Matswalo a Jesu – letšatši la 6
Batho ba ba amantšhwago le Matswalo a Jesu: Badiši
(Di)temana ya Bibele
LUKASE 2
Badiši le barongwa
LUKASE 2
Gantši ke na le go ipotšiša ka fao ke bego ke tla ikarabela ka gona ge nkabe ke le o mongwe wa badiši bao. Ke rata go nagana gore nkabe ke ikarabetše ka ge ba dirile, eupša ga ke na kgonthe. Go na le kgonagalo ya gore ge barongwa ba tloga, nkabe ke lebeletše gohle go bona ge e ba batho ka moka ba bone seo ke se bonego. Mohlomongwe ka moka ga rena re ba re tla ba le ngangišano e telele mabapi le dikgetho tša rena. Naa re be re tla kgona go tlogela dinku? Go thweng ge mong wa dinku a ka tseba? Go thweng ge e ba se sengwe ne se tla hlagela dinku ge rena re tlogile? Go thweng ge e ba re be re fošitše mabapi le seo re bego re nagana gore re se kwele?
Ke nagana gore re ka ba re boletše selo sa bošilo go e na le go dira dilo ka tsela yeo e bontšhago gore re na le tumelo.
Modimo o sa bolela le rena lehono ka Lentšu la gagwe gomme o dira se gore rena re kgone go tšwela pele. Gantši, re a tseba gore Modimo o a bolela eupša re tšhoga se batho ba bangwe ba kago se bolela, goba re a fapošwa, gantši kudu, ga re rate se Modimo a re botšago sona. Ga re se rate ka gobane se ra gore re fetoge. Goba se ra gore re dire selo se se mpsha goba se thata. Goba go ra gore go se dira selo se re ratago go se dira.
Badiši ga se ba ka ba homolela ge ba boela morago (Lukase 2:20). Ba be ba na le mafolofolo, ba thabile kudu, ba tumiša Jesu. Gomme re tseba se se diragetšego ge badiši bao ba go se rutege, ba go tlwaelega ba bega taba ya gore Mophološi o belegwe; batho ba be ba maketše!
Ge Modimo a bolela, go bohlokwa gore re tšee kgato ya maleba. Molaetša wa Krisemose o re laela gore re tšee kgato. Go ba bangwe, Modimo o go biletša go tiro ya motheo kudu gape e bohlokwa – go neela bophelo bja gago go yena. Go batho ba bangwe, Modimo a ka ba a go bitša go tlogela selo se o tsebago gore se fošagetše. Re na le go fa mabaka le go lokafatša sebe, eupša re a tseba.
Theeletša kanegelo ya Krisemose. E kwa molaetša. Dira selo sa sebete Krisemose ye. Latela mohlala wa badiši gomme o dire go ya ka Lentšu la Modimo ka tumelo.
