Batho ba ba amantšhwago le Matswalo a Jesu – letšatši la 8

Le ge Diebangedi tša sinoptiki (Mateu, Markose and Lukase) di bega ditiragalo tše ntši tša go swana bophelong bja Jesu, mongwadi yo mongwe le yo mongwe o na le ditabataba tša gagwe le dipharologantšho. Le tee la maswao a go hlaola a Lukase ke lefelo le phagamego le a le neago basadi.

Magareng ga bona ke Anna, o tee wa batho ba ba lemogilego Jesu bjalo ka Mesia ge a be a neelwa Tempeleng bjalo ka lesea. Anna o be a sa swane le basadi ba bantši ba mehleng ya gagwe. Morago ga lehu la monna wa gagwe, Anna o be a ka hlohleletšwa go nyalwa gapa le go ba le bana. Anna, go e na le moo, a kgetha go ikona dijo le go rapela, a tumiša Morena bošego le mosegare.

Ke eng seo se mo hlohleleditšego go phela ka tsela ye?

Anna e be e le mosadi wa kholofelo e kgolo. O be a se na pelaelo ya gore Modimo o tla phethagatša ditshepišo tša gagwe ka moka. A tletše ka Moya wo Mokgethwa, o be a hwetšwa letšatši ka letšatši ka ntlong ya Morena, a rapela Morena le go boledišana le batho ba bangwe ka tshepišo ya Morena ya go romela Mophološi.

Ka moka re a tšofala, gomme dinyamišo tša bophelo gabonolo di ka dira gore re hloke tshepo le go se be le kholofelo ge re bea tshepo ya rena go go dilo tša lefase. Kholofelo ya Anna go Modimo le ditshepišo tša gagwe e ile ya gola kudu bjale ka ge a tšofala.ga sanka a tlogela go rapela Modimo ka tumelo le go rapela ka kholofelo.

Ke eng se o se holofelago Krisemose ye? Kholofelo ye Modimo a e beago dipelong tša rena ke kganyogo ya mmušo wa magodimo le bophelo bjo bo sa felego bjalo ka lethabo la rena. Kholofelo e gola le thapelo le mengwaga.