A ka kgona … – letšatši la 9

“O a tseba gore go boima bjang go rapela le go thekga batswadi ba ba nago le bana bao ba tlilego pele ga nako, ge nna ka dinako tše dingwe ke sa kwešiše gore ke ka lebaka la eng Modimo a tšere wa ka?” Ke ile ka lebelela ka mahlong a mosadi yo a bego a eme pele ga ka. Maikwelo ao a bonagalago. Ka nakwana, o ile a tšeelwa go myemyela ga gagwe ga go tlwaelega le go itaola, ge a hwetša seripa sa pelo ya gagwe ye e robegilego.

Dikgwedi tše šupa tša go feta, o ile a ema kgauswi le lebitla la ngwana wa gagwe yo monnyane yo a sa tšogo belega, yo a belegego pele ga nako. Go ima ga gagwe, ka ge a na le mengwaga ya ka godimo ga 40, e bile mohlolo. Ngwana yo a sa hlwago a belega e bile phetolo go dithapelo tša gagwe tše di tšwago pelong tša ngwana wa bobedi. O phetše diiri tše 11. O mo swere fela metsotso e mmalwa. Seo se šetšego ga bjale, ke bolao bja ngwana bjo bo se nago selo, pelo ye e robegilego le dipotšišo tše ntši. Dipotšišo tše boima. Ke ka lebaka la eng a ile a ima ge e ba ne go tlo feletša ka tsela ye? Ke ka lebaka la eng Modimo a sa tsenelela le go fodiša ngwana go tlhakatlhakano ya gagwe ya tša maphelo? O swanetše go fetola ka go reng ge morwa wa gagwe yo mogolo a mmotšitša gore ke ka lebaka la eng Jesu a tšere buti wa gagwe?

Ke ile ka ikwa ke amogilwe mantšu. Tšeo ka moka ke bego ke di nagana e be e le mantšu a Modimo go Jesaya 55:8-9: “Megopolo ya ka ga e swane le ya lena, le ditsela tša ka di fapana le tša lena. Bjalo ka ge magodimo a phagame kudu ka godimo ga lefase, ka wona mokgwa woo ditsela le megopolo ya ka di ka godimo ga tša lena. Go Pesalome 34:18 re bala gore: “Morena o kgauswi le bao ba nolegilego moko; o phološa bao ba feletšwego ke tshepo.”
Ge maikutlo a le ka tlase ga taolo gape, mosadi o mpoditše gore, le ge go le boima ka dinako tše dingwe, o bona ka fao Modimo o mmuletšego lebati, mošomong wa gagwe, gore a šome ka phapošing ya go belegela sepetlele le bomme bao bana ba bona ba belegegwe pele ga nako. Bohloko bja gagwe bo mo tlatša ka kwelebohloko e kgolo. Ka ntle le go alafa mmago ngwana, o boemong bja go ka thekga batswadi bao ba nago le maikwelo a thata ka lebaka la bana ba bona ba ba belegwego pele ga nako. Le ge a sa kwešiše ge ngwana wa gagwe a hlokafetše, o a tseba gore Modimo o lekane go yena.

Mabakeng a mantši, ga re na dikarabo tša tobo goba go kwa bohloko. Lega go le bjalo, re na le kholofetšo ya gore Modimo o tla re homotša – le gaešita go re bopa gore re kgone go ba khomotšo go ba bangwe ge re fetile meriting wa molapo wa lehu. Re phela lefaseng le le robegilego. Gomme, e ka ba O tla ba Yo a lekanego go wena ge ngwana a ka hlokafala, lenyalo le fela ka tlhalo, re tšhona goba motho yo re mo ratago a hlokafala le ge re rapeletše pholo ya bona? Modimo a go šegofatše.

Mošomo wa letšatši: Nagana ka nako ya tobo goba go kwa bohloko nakong ya gago ye e fetilego. Modimo o ile a go homotša bjang? Leboga Yena lehono ka seo.