A ka kgona … – letšatši la 14

Go direga eng ge o ka tlogela baki Lewatleng le le Hwilego? Se ke se Sigalit Landau, rabokgabo wa Mioisraele, a nyakile go se tseba. O tlogetše roko e ntsho dikgwedi tše tharo meetseng a letswai a Lewatle le le Hwilego. Dipoelo? Dikristale tša letswai di ile tša fetoša roko go tšwa go “roko ya go ilela” go ba “lešira”.

Nakong ya maemo a tobo, go nolega moko le go nyama maphelong a rena, gantši re itemogela maemo moo re nyakgo go kgeila diaparo tša rena le go kota meriri gomme re apare diaparo tše ntsho tša go ilela. Maikwelo a tseneletšego a re tlatša ka manyami, a re tlogele re nologile moko gape re gatellegile.

Lega go le bjalo, ka Modimo, go na le kholofelo ka dinako ka moka. A ka fetoša boemo bja rena. Go Jeremia 31:12, re bala gore: “Ke tla ba homotša, ka fetoša sello sa bona lethabo, matshwenyego a bona ka a fetoša boiketlo.” Go Pesalema 30:5 go ngwetšwe: “Le ge mantšiboa motho a ka robala a lla, mosong o tsoga a thabile.” Gomme go Pesalome 30:11-12 Mopesalome o ngwetše gore: “Sello sa ka o se fetošitše mogobelo; o nkapotše diaparo tša go ilela, wa nkapeša lethabo, gore ke go opelele ditumišo ke sa homole. Morena Modimo wa ka, ke tla go reta go iša go sa felego.”

Tshepetšo moo roko ya go ilela e fetošwago go ba diaparo tša lethabo, e tšea nako. Nakong ya sehla se, ka dinako tše dingwe, go bonala eke re ka “tlase ga meetse”. Lega go le bjalo, mo ke fao Modimo a šomišago lestwai la Gagwe go fodiša dintho tša rena. Mogau wa gagwe le lerato la gagwe di a re khupetša mola dikristale tša letswai di fetoša roko ya rena ya go ilela goba lešira leo mang le mang a tlago le makalela.

Ke bofe boemo bja go kweša bohloko bjoo o itemogetšego bjona? Tlhalo, lehu la motho yo o mo ratago, go se swarwe gabotse lefelong la gago la mošomo? E ka ba go na le motho yo a ekilego tshepo ya gago goba e ka ba leloko la lapa goba mogwera o go kwešitše bohloko? Ge e ba go boima go hema le go tšweletša maikutlo, e ka ba e le gore o ka “tlase ga meetse”. A re tshephe Modimo go ka tliša pholo ye re e hlokago. O kgona go fetoša manyami a rena goba lethabo le go re tlatša ka lethabo le le ka se hlalošegego gore le rena re kgone go bolela bjalo ka Mopesalome, “ Morena Modimo wa ka, ke tla go reta go iša go sa felego.” Modimo a go šegofatše.

Mošomo wa letšatši: Nagana nakwana ka boemo bjo bo go kwešitšego bohloko nakong ya go feta. Bo ahlaahle le Modimo le go kgopela Yena go fodiša pelo ya gago ka mo go feletšego. O nyaka go fetoša diaparo tša go ilela go ba diaparo tša lethabo.