A ka kgona … – letšatši la 5

Nakong ya lenaneo la radio, batheetši ba Tygerberg 104FM ba bile le monyetla wa go romela maina le diaterese tša mo ba šomago gona studiong gore ba thope dithekete tša go ya moletlong. Go tšwa go melaetša ye makgolokgolo ye e rometšwego, batheetši ba bararo ba ile ba kgethwa le go makatšwa mafelong a bona a mošomo ka dithekete.

Go latela lenaneo la rena la mesong kua Tygerberg 104FM, mošomi-ka-nna, Anton Brink le nna re ile ra rongwa go yo makatša motheetši wa pele, Vernon. O ile a theogela fase mo go amogelwago baeng lefelong la gagwe la mošomo, a sa tsebe yo a mo letetšego.

Ge Vernon a lemoga bao re lego bona le gore ke ka lebaka la eng re le fao, o ile a makala. Morago o ile a phomula megokgo. Vernon, mosadi wa gagwe le barwedi ba gagwe ba babedi ba be ba nyaka go ya moletlong, eupša le ge ga bjale a šoma matšatši a tshela ka beke, ba be ba sa kgone go reka dithekete. Nakong ya gagwe ya setu le Modimo, a kgopela Yena go dira mohlolo le go ba kgontšha. Modimo a dira bjalo. Vernon a ruma ka gore, “Ke eme pele ga Modimo ka tumelo. Ga bjale ke tla ya gape gomme ka leboga Modimo ka seo a re diretšego sona.”

Go Mateu 7:7-8, re bala gore: “Kgopelang, gomme le tla fiwa; nyakang, gomme le tla hwetša; kokotang, gomme le tla bulelwa. Gobane mang le mang yo a kgopelago o a fiwa, yo a nyakago o a hwetša, le yo a kokotago o tla bulelwa.” Go Jakobo 4:2b, re bala gore: “Ga le hwetše se le se nyakago, ka gobane ga le se kgopele go Modimo.”

Ka dinako tše dingwe re dira phošo ya go nagana gore re ka se tshwenye Modimo ka dilo tše di “sego bohlokwa” maphelong a rena. Nnete le ga go le bjalo ke gore O kganyoga tswalano le rena, go e ra gore re ka gomme re swanetše go bolela le yena ka dilo tše di “sego bohlokwa” maphelong a rena, ge di le bohlokwa go rena.

Tumelo ya Vernon go ka boledišana ka selo se se bonalago “se se bohlokwa” (eupša se le bohlokwa go yena le lapa la gagwe) le Modimo, se bakile Modimo go re etela pele go mo kgetha go ketelo ya go mo makatša. A re leke go bolela le Modimo – le go tshepha Yena. O nyaka go re nea dilo tše botse maphelong a rena. Modimo a go šegofatše.

Mošomo wa letšatši: Dira lenaneo la dikganyogo tša gago gomme o bolele le Modimo ka tšona. Tshepha kahlolo ya gagwe ya bophelo bja gago.