Vhuhulu ha Musiki na vhuhulu he a ṋea muthu
Phisalema ya Dafita ye a sikela malogwane; i pfi i imbiwe hu tshi lidzwa zwilidzo zwa Gathi.
U renda vhuhulu ha Mudzimu
1Muṋe washu Muṋe wa zwoṱhe,
dzina ḽau ḽi kanukisa hani ḽifhasini ḽoṱhe,
Iwe wo vheaho vhugala hau ngei lutomboni!
2Mishumo yau ya maanḓa ye wa i tea
i imbiwa nga vhana na dzitshetshe,
uri u shonise vha maṅaṅa,
u vale mulomo wa swina ḽau na mulifhedzi.
“Muthu ene u tou vha mini?”
3Musi ndi tshi lavhelesa ngei lutomboni
nda vhona mishumo ya zwanḓa zwau,
ṅwedzi na ṋeledzi dze wa vhekanya,
4ndi ri: muthu u tou vha mini u tshi vhuya wa mu humbula?
Ṅwana wa muthu u tou vha mini u tshi vhuya wa mu tonda?
5Wo mu hulisa a tou fhirwinyana nga vharuṅwa,
wa mu ambadza tshiala tsha vhugala na lupenyo.
6Wo mu vhea uri a vhuse zwe wa vhumba nga zwanḓa zwau,
zwithu zwoṱhe wo zwi vhea fhasi ha ṋayo dzawe:
7ho dzula nngu dzoṱhe na kholomo,
ndi amba na dzone phukha dza ḓaka,
8zwiṋoni zwi fhufhaho muyani na khovhe dza lwanzheni,
na zwoṱhe zwi talaho mativhani a lwanzhe.
U renda vhuhulu ha Mudzimu
9Muṋe washu Muṋe wa zwoṱhe,
dzina ḽau ḽi kanukisa hani ḽifhasini ḽoṱhe!
