Thabelo ya mupomokwa a si na mulandu
Thabelo ya Dafita.
Luvalo lwo ṱambaho
1Muṋe washu mpfe!
Hufha ndi si na mulandu,
ipfa tshililo tshanga!
Nḓevhe yau nga i thetshelese thabelo yanga,
hufha mulomoni wanga hu si na vhufhura.
2Nga a vhe Iwe a nṱanzwaho mulandu,
hufha u tshi ḓivha zwi re zwone.
3Arali wa ṱola mbilu yanga,
wa nndalela vhusiku,
wa tou fhenḓa mbilu yanga,
u ḓo wana ndi si na vhuvhi;
na u amba thi ambi ḽivhi
4ndi tshi vhona mishumo ya vhathu.
Ndi tinya nḓila dza vhadzia-u-levha ndi tshi tevhedza zwe wa amba.
5Ndo tou longondo nḓilani dzau,
a thi vhuyi nda isa mulenzhe ḓakani.
U humbudza Mudzimu lufuno lwawe
6Mudzimu, u a nnyaravha,
ndi zwine nda u vhidzelela:
tshingamisela nḓevhe yau kha nṋe u pfe zwine nda amba.
7Vha khudaho nga Iwe
musi vho vutshelwa nga maswina
u vha tshidza nga tshanḓa tshau tsha maanḓa,
ndi zwone, ntsumbedze lufuno lwau lu sa dzinginyei, lu kanukisaho.
8Ntsireledze unga tshanga ya iṱo,
nkuvhatedze nga phapha dzau,
9uri vhavhi vha si nṱangule,
maswina o nndanganaho a si ntinge.
U halifha ha maswina
10Mbilu dzavho dzo fura tshiṱuhu,
a si one mazuwo a bvaho milomoni yavho.
11Vha ntsala murahu hoṱhe hune nda ya,
vho nndalela uri vha ntekule.
12Vha tou nga ndau yo lindela u ponda,
vha nga ndau ya nduna yo lalela tshiṱakani.
Mudzimu Mulamuleli
13Takuwa Muṋe washu,
u imedzane na vhavhi,
vha fhedze nga banga ḽau u ntshidze!
14Ndi vhathu vha shango havha,
a vha shayi tshithu vhutshiloni vhuno,
vha tshi nndevhela u ntshidze.
Vha zwimbedze nga zwe wa dzula wo vha khokhela,
zwi rathele na kha vhana vhavho,
zwi salaho zwi wele vhaḓuhulu.
15Hone nṋe ndi a fulufhedzea,
ndi ḓo vhona tshifhaṱuwo tshau,
ndi tshi vuwa
ndi ḓo u vhona ro livhana zwifhaṱuwo nda pfa ndo fushea.
