DZIPHISALEMA 16

₁Mudzimu nndondole,

ndi khuda nga Iwe.

₂Ndi amba na Muṋe washu nda ri,

“Muṋe wanga ndi Iwe;

a thi tshee na tshiṅwe tshivhuya,

ndi Iwe u woṱhe.”

₃Hone midzimu yo ḓalaho fhano shangoni,

ye na nṋe nda vha ndi tshi i takalela,

ndi vho i vhudza ndi ri:

₄Vhane vha gidima murahu hayo vha ḓiovhela khombo nnzhi;

vha tshi phasa nga malofha a zwiṱhavhelo

nṋe ndi ḓo sendela kule,

madzina a midzimu yavho ha nga pfali mulomoni wanga.

₅Muṋe washu ndi Ene mukovhe wanga u mpfushaho,

zwo nndivhaho zwi bva ha Iwe.

₆Mukovhe we wa nṅwatela lu tou vha ludzula,

ifa ḽanga ḽo naka hani!

₇Ndi renda Muṋe washu Mulayi wanga,

na vhukati ha vhusiku luvalo lu a nnyeletshedza.

₈Muṋe washu ha ṱuwi mbiluni yanga,

thi tseki, u na nṋe.

₉Ndi zwine mbilu yanga ya takala,

muya wanga wa fhululedza,

vhukuma ndi ḓo dzula ndo khuda.

₁₀U nga si nndaṱe

nda milwa nga lufu,

nṋe mulanda wau a fulufhedzeaho

u nga si tende ndi tshi dzhena tshaloni.

₁₁U ntsumbedza nḓila ya vhutshilo;

ndí na Iwe, ndi hone ndo fushea,

zwine wa mpha zwi dzula zwi tshi ntakadza.