DZIPHISALEMA 15

₁Muṋe washu,

ndi nnyi ane a ḓo dzula nḓuni yau?

Ndi nnyi o teaho u fhaṱa thavhani yau khethwa?

₂Ho tea muitazwivhuya a sa solisei,

ane a amba ngoho zwi tshi bva mbiluni.

₃Lulimi lwawe a lu fheṱi vhaṅwe,

ha vhaisi muthu,

ha iseli muthu phungo.

₄Vho landulwaho nga Mudzimu ú a vha nyadza,

tshawe ndi u hulisa vha ofhaho Muṋe washu,

zwe a amba u a zwi ita,

naho zwi tshi vho konḓa.

₅Ha bindulisi tshelede lwa u ḽa vhaṅwe,

ha tendi zwa tshanḓanguvhoni hu tshi laṱwa a si na mulandu.

Onoyo u ḓo ima o khwaṱha lini na lini.