DZIPHISALEMA 14
Vhutsilu ha u sa londa Mudzimu
(Phisalema 53)
Phisalema ya Dafita ye a sikela malogwane.
Zwiambo zwa tsilu
1Tsilu mbiluni yaḽo ḽi ri,
“A hu na Mudzimu, a hu na Muhaṱuli.”
Vho tshinyala vha ita zwa vhuṱudzi,
a hu na na a itaho zwivhuya.
Mudzimu a tshi sedza vhathu
2Muṋe washu u sedza vhathu e ṱaḓulu,
uri a vhone arali hu na wa ṱhalukanyo,
a ṱoḓaho Mudzimu.
3Vhoṱhe vho bva nḓilani,
vha vho nengisa vhoṱhe,
a hu na na a itaho zwivhuya,
na muthihi zwawe.
Maano a vhavhi a ḓo pfuvha
4Kani vhaitazwivhi a vha na ṱhalukanyo hezwi vha tshi ḽa vhathu vhanga unga vhuswa?
Na Mudzimu
a vha vhuyi vha mu rabela.
5A vha zwi vhoni uri vha ḓo welwa nga zwi ofhisaho naa?
Mudzimu u ima na vha fulufhedzeaho.
6Ni piringanya maano a vhaheḓana,
hone vha khuda nga Muṋe washu.
7Yawee, ngavhe u tshidzwa ha Israele hu tshi bva Tsioni!
Musi Muṋe washu a tshi ḓo dovha a vusa lushaka lwawe,
ndi hone Jakopo a tshi ḓo pembela,
Israele a takala.
© Bible Society of South Africa 1998. Used with permission. All rights reserved.
