DZIPHISALEMA 13

₁Muṋe washu,

nṋa u ḓo nkhangwa u swika lini?

U ḓo mpfuralela u swika lini?

₂Ndi ḓo ḽa mbilu u swika lini?

Mbilu yanga i ḓo ḓi dzula i tshi vhavha naa?

Swina ḽanga ḽi ḓo nkunda u swika lini?

₃Muṋe washu, Mudzimu wanga,

vhona zwe zwa nngwela,

u mphindule,

dovha u nnzivhuluse ndi fhaṱuwe,

ndi sa ḓo lala tshoṱhe,

₄swina ḽanga ḽi sa vho ḓo ri,

“Koṱo, ndo mu kona!”

mavhanga a sala a tshi pembela

nga u vhona ndo tekulwa.

₅Hone nṋe ndo fulufhela lufuno lwau lu sa dzinginyei,

u a ntshidza,

mbilu yanga i tou pembela,

₆ndi ḓo renda Muṋe washu

nga luimbo,

o nnyonga zwihulu.