DZIPHISALEMA 11

₁Nṋe ndi khuda nga Muṋe washu,

ni itelani-ha ni tshi mmbudza na ri,

“Itou fhufha sa tshiṋoni u shavhele thavhani!

₂Vhonani vhavhi vho akha vhura,

vho vhea musevhe kha lutsinga

uri vha pfule wa mbilu mbuya tshiphirini.

₃Zwino arali ha thuthekanywa miteo ya vhuladzashango,

a no fulufhedzea a nga kha ḓi itani?”

₄Mathina Muṋe washu u thembeleni yawe khethwa,

khuluṋoni ya Muṋe washu i ṱaḓulu,

maṱo awe a vhona vhana vha vhathu a sedzulusa zwi re mbiluni dzavho.

₅Muṋe washu u ṱola mbilu dza vhavhuya na vhavhi,

vhadzianndwa u a vha vhenga.

₆Vhavhi u ḓo vha nisela masimbe a dugaho na tsevhela,

mukovhe wavho ndi ḓumbu ḽi fhisaho shango.

₇Muṋe washu u a fulufhedzea,

u funa vhathu vha tshi fulufhedzea;

vha si na vhukwila vha ḓo vhona tshifhaṱuwo tshawe.