1 KORONIKA 1

₁Adamu o vha e khotsi a Sethe, khotsi a Enosi, khotsi a ₂Kenani, khotsi a Mahalalele, khotsi a Jarede, khotsi a ₃Enokho, khotsi a Mathusela, khotsi a Lamekhe, khotsi a Nua.

₄Vhana vha Nua ndi Semu na Hamu na Jafethe.

₅Vhana vha Jafethe ndi Gomere na Magogo na Madai na Javani na Thubala na Meshekhe na Thirasi, vho vha vhomakhulukuku wa tshakha dzine dza vhidzwa nga madzina avho. ₆Vhana vha Gomere ndi Ashkenasi na Rifathi na Thogarama. ₇Vhana vha Javani ndi Elisha na Tharashishi na Vhakhithi na Vharodani.

₈Vhana vha Hamu ndi Kushu na Mitsiraimi na Phuti na Kanana, vho vha vhomakhulukuku wa tshakha dzine dza vhidzwa nga madzina avho. ₉Vhana vha Kushu ndi Seba na Havila na Sabutha na Raama na Sabuthekha. Vhana vha Raama ndi Sheba na Dedani. ₁₀Kushu o vha e khotsi a Nimirodo, ndi ene muhali muhulu wa u thoma fhano fhasi. ₁₁Mitsiraimi o vha e khotsi a vhathu vha Ludi na Anamu na Lehaba na Nafuthu ₁₂na Phathrusi na Khasilu, vhane Vhafilista vha bva khavho, na Khrethe. ₁₃Vhana vha Kanana ndi Sidoni, ene tanzhe, na Hethe ₁₄na Vhajebusi na Vhaamori na Vhagirigashi ₁₅na Vhahivi na Vhaarakhi na Vhasini ₁₆na Vhaaravadi na Vhazemari na Vhahamathi.

₁₇Vhana vha Semu ndi Elamu na Ashuru na Ariphakhadi na Ludi na Aramu. Vhana vha Aramu ndi Utsi na Hulu na Gethere na Meshekhe, vho vha vhomakhulukuku wa tshakha dzine dza vhidzwa nga madzina avho. ₁₈Ariphakhadi o vha e khotsi a Shela, khotsi a Ebere. ₁₉Ebere o vha na vhana vhavhili vha vhatuka, muṅwe o vha a tshi pfi Phelege nge misi yawe vhathu vha mashango vha fhandekana, murathu wawe o vha a tshi pfi Jokotani. ₂₀Vhana vha Jokotani ndi Alimodadi na Shelefe na Hatsaramavethe na Jera ₂₁na Hadoramu na Uzali na Dikila ₂₂na Obala na Abimaele na Sheba ₂₃na Ofiri na Havila na Jobaba.

₂₄Vha lutsinga lwa Semu u swika kha Abrahamu ndi Semu na Ariphakhadi na Shela ₂₅na Ebere na Phelege na Reu ₂₆na Serugu na Nahoro na Thera ₂₇na Abramu (ane ḽiṅwe a pfi Abrahamu).

₂₈Vhana vha Abrahamu ndi Isaka na Ishmaele. ₂₉Vhana vha Ishmaele vha tshi tevhekana nga mabebo avho ndi Nebayotho ene wa tanzhe, na Kedara na Adibiele na Mibisamu ₃₀na Mishima na Duma na Masa na Hadadi na Thema ₃₁na Jethuru na Nafishi na Kedema.

₃₂Vhana vha Abrahamu vhe a bebelwa nga musadzi wawe muṱuku a no pfi Ketura ndi Zimirani na Jokoshani na Medani na Midiani na Ishibaka na Shua. Vhana vha Jokoshani ndi Sheba na Dedani. ₃₃Vhana vha Midiani ndi Epha na Efere na Hanokho na Abida na Elidaa. Vhoṱhe havho vho vha vhe vha lutsinga lwa Ketura.

₃₄Abrahamu o vha e khotsi a Isaka. Vhana vha Isaka ndi Esau na Israele. ₃₅Vhana vha Esau ndi Elifasi na Reuele na Jeushu na Jalamu na Kora. ₃₆Vhana vha Elifasi ndi Themana na Omara na Tsefo na Gathamu na Kenasi na Thimina na Amaleke. ₃₇Vhana vha Reuele ndi Nahathi na Zera na Shama na Miza.

₃₈Vhana vha Seiri ndi Lotani na Shobala na Tsibioni na Ana na Dishoni na Etsere na Dishani. ₃₉Vhana vha Lotani ndi Hori na Hemamu. Khaladzi a Lotani ndi Thimina. ₄₀Vhana vha Shobala ndi Alivani na Manahathi na Ebala na Shefi na Onamu. Vhana vha Tsibioni ndi Aya na Ana. ₄₁Ṅwana wa Ana ndi Dishoni. Vhana vha Dishoni ndi Hemedani na Eshibani na Ithirani na Kherani. ₄₂Vhana vha Etsere ndi Bilihani na Zaavani na Jaakani. Vhana vha Dishani ndi Utsu na Arani.

₄₃Khea mahosi e a vhusa kha ḽa Edomo Vhaisraele vha sa athu vha na khosi. Ndi Bela ṅwana wa Bioro. Musanda wawe wo vha u tshi pfi Dinihaba. ₄₄Bela o ri u dzama, Jobaba ṅwana wa Zera wa Botsora a vha khosi vhudzuloni hawe. ₄₅Jobaba a ri u dzama, Hushamu a no bva shangoni ḽa Vhathemana a vha khosi vhudzuloni hawe. ₄₆Hushamu a ri u dzama, a tevhelwa nga Hadadi ṅwana wa Bedadi, we a kunda Vhamidiani shangoni ḽa Muaba. Musanda wawe wo vha u tshi pfi Avithi. ₄₇Hadadi a ri u dzama, Samula a no bva Masareka a vha khosi vhudzuloni hawe. ₄₈Samula a ri u dzama, Shaulo a no bva Rehobotho Mulamboni a vha khosi vhudzuloni hawe. ₄₉Shaulo a ri u dzama, Baali Hanani ṅwana wa Akhiboro a vha khosi vhudzuloni hawe. ₅₀Baali Hanani a ri u dzama, Hadadi a vha khosi vhudzuloni hawe. Musanda wawe wo vha u tshi pfi Phau, mufumakadzi wawe a tshi pfi Mehetabele, ṅwananyana wa Matirede, ṅwananyana wa Mezahaba.

₅₁Hadadi na ene a dzama. Vhahulwane vha Edomo ndi Thimina na Aliva na Jethethe ₅₂na Oholibama na Ela na Phinoni ₅₃na Kenasi na Themana na Mibitsara ₅₄na Magadiele na Iramu.