1 KORONIKA 2

₁Vhana vha Israele ndi Rubeni na Simioni na Livi na Juda na Isakhara na Zebuloni ₂na Dani na Josefa na Benyamini na Nafuthali na Gadi na Ashere.

₃Vhana vha Juda ndi Ere na Onani na Shela. Havho vhararu o vha bebelwa nga Batha Shua, musadzi wawe wa Mukanana. Ere, ene tanzhe ḽa Juda, Muṋe washu o vhona e muvhi, ndi zwe a mu vhulaha. ₄Thamara, musadzi wa ṅwana wa Juda, o mu bebela Pheretse na Zera. Vhana vha Juda vha vhatuka vhó ṱangana vhoṱhe vho vha vhe vhaṱanu.

₅Vhana vha Pheretse ndi Esromu na Hamuli. ₆Vhana vha Zera ndi Zimiri na Ethani na Hemani na Khalakholo na Darida, vhoṱhe vho ṱangana ndi vhaṱanu. ₇Ṅwana wa Kharami ndi Akhani, we a ḓisela Vhaisraele khombo nga u dzhia thundu yo ṱangulwaho ye ya vha yo kumedzwa Muṋe washu.

₈Ṅwana wa Ethani ndi Azaria.

₉Vhana vha Esromu ndi Jeramiele na Ramu na Khalebe.

₁₀Ramu o vha e khotsi a Abinadaba, khotsi a Nahashoni, murangaphanḓa wa vhathu vha Juda. ₁₁Nahashoni o vha e khotsi a Salimoni, khotsi a Buasi, ₁₂khotsi a Obede, khotsi a Isai.

₁₃Tanzhe ḽa Isai ndi Eliaba, ṅwana wawe wa vhuvhili o vha e Abinadaba, wa vhuraru e Shama, ₁₄wa vhuṋa e Nathaniele, wa vhuṱanu e Radai, ₁₅wa vhuṱanu na vhuthihi e Oseme, wa vhuṱanu na vhuvhili e Dafita. ₁₆Khaladzi dzavho ndi Tseruya na Abigaili. Vhana vha Tseruya vhararu vha vhatuka ndi Abishai na Juaba na Asaele. ₁₇Abigaili o vha e musadzi wa Jethere wa Muishmaele vha vha na ṅwana we a vha a tshi pfi Amasa.

₁₈Khalebe ṅwana wa Esromu o vhinga Azuba, a vha na ṅwana wa musidzana we a vha a tshi pfi Jeriotho. Vhana vhawe vha vhatuka ndi Jeshere na Shobaba na Aridoni. ₁₉Azuba a ri u fa, Khalebe a vhinga Efuratha, a mu bebela Huru. ₂₀Huru o vha e khotsi a Uri, khotsi a Betsaliele.

₂₁Ngavhuya musi Esromu e na miṅwaha ya 60, a dzea ṅwananyana wa Makhiri khotsi a Giliadi, uyo musadzi a mu bebela Segubu. ₂₂Segubu o vha khotsi a Jairi, we a vha a tshi vhusa miḓi ya 23 shangoni ḽa Giliadi. ₂₃Hone vha mivhuso ya Geshuru na Aramu vha i thuba, vha thuba na Kenathi na miḓi i re henefho tsini, yó ṱangana ya ita miḓi ya 60. Vhathu vhoṱhe vhe vha vha vha tshi dzula henefho vho vha vhe vhaḓuhulu vha Makhiri khotsi a Giliadi. ₂₄Esromu a ri u fa, ṅwana wawe Khalebe a dzea Efuratha, tshilikadzi ya khotsi awe, vha vha na ṅwana wa mutukana we a vha a tshi pfi Ashuhuru. Ndi ene we a fhaṱa muḓi wa Thekua.

₂₅Vhana vha Jeramiele tanzhe ḽa Esromu ndi Ramu, ene tanzhe ḽawe, na Buna na Orene na Otseme na Ahia. ₂₆Jeramiele a vha na muṅwe musadzi we a vha a tshi pfi Atara, mme a Onamu. ₂₇Vhana vha Ramu tanzhe ḽa Jeramiele ndi Maatsi na Jamini na Ekere. ₂₈Vhana vha Onamu ndi Shamai na Jada. Vhana vha Shamai ndi Nadaba na Abishuru.

₂₉Musadzi wa Abishuru o vha a tshi pfi Abihaili, ene o mu bebela vhana vhavhili vha vhatuka, Ahabani na Molidi. ₃₀Vhana vha Nadaba ndi Selede na Aphaimi. Selede o fa a si na ṅwana. ₃₁Ṅwana wa Aphaimi ndi Ishi, khotsi a Sheshani, khotsi a musidzana we a vha a tshi pfi Ahalai.

₃₂Vhana vha Jada murathu wa Shamai ndi Jethere na Jonathani. Jethere o fa a si na ṅwana. ₃₃Vhana vha Jonathani ndi Phelethe na Zasa. Vhoṱhe havho vho vha vhe vhaḓuhulu vha Jeramiele.

₃₄Sheshani o vha a si na ṅwana wa mutuka, o vha e na vhasidzana fhedzi. O vha e na mushumi wa Muegipita we a vha a tshi pfi Jaraha. ₃₅Sheshani a dzhia ṅwana wawe wa musidzana a mu ṋea mushumi wawe Jaraha, a mu bebela ṅwana we a vha a tshi pfi Athai. ₃₆Athai o vha khotsi a Nathani, khotsi a Zabadi, ₃₇khotsi a Efelala, khotsi a Obede, ₃₈khotsi a Jehu, khotsi a Azaria, ₃₉khotsi a Heletse, khotsi a Eliasa, ₄₀khotsi a Sisimai, khotsi a Shalumu, ₄₁khotsi a Jekamia, khotsi a Elishama.

₄₂Vhana vha Khalebe murathu wa Jeramiele ndi Mesha tanzhe ḽawe, we a vha makhulukuku wa vhathu vha Zifi, na Maresha makhulukuku wa Hebroni. ₄₃Vhana vha Hebroni ndi Kora na Thaphua na Rekeme na Shema. ₄₄Shema o vha e khotsi a Rahamu, khotsi a Jorokiamu. Rekeme o vha e khotsi a Shamai. ₄₅Ṅwana wa Shamai o vha a tshi pfi Maoni makhulukuku wa vhathu vha Bethe Tsuru.

₄₆Epha musadzi wa Khalebe wa phuli o vha mme a Harani na Motsa na Gazese. Harani o vha e khotsi a Gazese.

₄₇Vhana vha Jahadai ndi Regeme na Jothamu na Geshani na Phelete na Epha na Shaafu.

₄₈Maakha musadzi wa Khalebe wa phuli o vha mme a Shebere na Thirana. ₄₉Maakha o beba Shaafu makhulukuku wa vhathu vha Madamana na Sheva makhulukuku wa vhathu vha Makhabena na Gibia. Muḓuhulu wa Khalebe wa musidzana o vha a tshi pfi Akhisa. ₅₀Ndi vhone vha lutsinga lwa Khalebe.

Vhana vha Huru tanzhe ḽa Efuratha ndi Shobala makhulukuku wa vhathu vha Kiriathi Jiarimu ₅₁na Salima makhulukuku wa vhathu vha Betlehema na Harefe makhulukuku wa vhathu vha Bethe Gedere.

₅₂Vha lutsinga lwa Shobala makhulukuku wa vhathu vha Kiriathi Jiarimu ndi Reaya na hafu ya vhathu vha dzulaho Menuhothi. ₅₃Kiriathi Jiarimu ho vha hu tshi dzula vha mitupo ya Jethere na Phuthi na Shuma na Mishira. Vhapo vha Tsora na Eshthaolo vha bva kha vhenevho.

₅₄Vha lutsinga lwa Salima ndi vhapo vha Betlehema na vha Netofa na vha Atirotho Bethe Juaba na hafu ya vha Manahathi na vha Tsora.

₅₅Vha mitupo ya vhaḓivhi vha maṅwalwa vhe vha vha vha tshi dzula Jabetse ndi Vhathira na Vhashimia na Vhasukha. Havho ndi Vhakeni vhane vha bva kha Hamathi makhulukuku wa vha nnḓu ya Rekhaba.