Vergifnis – Dag 3
Gister het ons gelees dat God vir Moses opdrag gegee het om twee plat klippe te kap en by die Sinai berg op te gaan. God het homself openbaar as ʼn barmhartige God wat lankmoedig en vol liefde is, gewillig om mense te vergewe, maar nie hulle sondes te vergeet nie.
Bybelteks(te)
Moses pleit namens die Israeliete
Moses het twee dinge nederig vir die Here gevra. Hy het vir God gevra om saam met hom vanaf Sinai na die beloofde land te gaan, en vir vergifnis vir wat die Israeliete gedoen het (die aanbidding van die goue kalf).
God het gereageer deur ʼn verbond met die Israeliete te sluit, maar met sekere verbondsbepalings, naamlik om afgodsaltaars en pilare en pale te vernietig, om nooit voor enige god neer te buig, of om toe te laat dat hulle kinders trou met enigiemand wat nie deel van God se volk is nie. Hierdie soort verbondsbepalings was deel van ‘n normale verbond. God het die verbond ingestel en die bepalings neergelê.